யோக சாதனையும் குருவும்

யோகத்திலோ, இறை சாதனையிலோ முன்னேற குரு தேவையா என்றால் கட்டாயம் தேவை என்பது தான் பதில்! 

ஆனால் இந்தப் பதிலை தவறாகவே பலர் புரிந்து வைத்துக் கொண்டு சோம்பேறிகளாக குருவை தாஜாபண்ணி வானத்திலிருந்து அருளைப் பெற்று விடலாம் என்று நினைக்கிறார்கள். 

யோக சாதனை என்பதை ஒரு பயணமாகக் கொண்டால் அதை 100% என்று எடுத்துக் கொண்டால் தொடங்கி ஓடுவதற்கான முதல் 05% உம், எல்லையைத் தொட்டு பூரணமாக்குவதற்குரிய 05% மட்டுமே குருவின் உதவி தேவை.

இங்கு யோகம் என்ற சொற்பிரயோகத்தை வரையறுக்க விரும்புகிறேன். இன்றைய நவீன உலகத்தில் எல்லோரும் யோகா செய்கிறார்கள் அல்லவா! 

யோகம் என்பது ஒருவன் தனது சித்த விருத்திகளை கட்டுப்படுத்தி உடல், மனம், பிராணன் ஆகிய மூன்றினையும் ஒழுங்கமைத்து உயர் நிலை அடைய விரும்பும் சாதகன்! உயர் நிலை என்பது தன்னில் இறை சக்தியை உணர்தல்! 

மிகுதி 90% பயணம் சாதகன் கையில்! ஆனால் இன்று பலர் சாதனை எதுவும் செய்வதில்லை! பெற்ற உபதேசம் படி நடப்பதில்லை! குருவின் புகழ் பாடிவிட்டால் அவர் அப்படியே புஷ்பக விமானத்தில் தூக்கிச் சென்று சேர்த்துவிடுவார் என்று அறியாமையில் பிதற்றுகிறார். 

எவருக்கும் தன்னுடைய அகத்தில் சிரத்தை இல்லாமல், முயற்சி இல்லாமல், என்ன செய்யப் போகிறோம் என்பது பற்றி அறிவைப் பெறாமல் செய்யும் முயற்சிகள் அனைத்தும் வீணே! 

கவனமாக விளங்கிக் கொள்ள வேண்டும், குரு இல்லாமலும் வித்தை இல்லை! குருவுடன் இருப்பதால் மட்டும் வித்தை இல்லை!