தலைப்பு இல்லை

இது அரசியல் பதிவு அல்ல, ஒரு தந்திரோபாயக் கணிப்பு!

Disclaimer: I am not interested in politics, however I passionate to study about strategy and how winning the Game is happening. so read without prejudice. 

நடந்து முடிந்த இந்தியத் தேர்தலில் பாஜக எதிர்கட்சி என்ற ஒன்று இல்லாத அளவிற்கு துடைத்தெறிந்திருக்கிறது. ஆனால் தமிழகத்தில் திமுக பெற்ற வெற்றி பெரிதாகக் கொண்டாடப்படுகிறது. 

எனது கணிப்பு சரியாக இருந்தால், பாஜக கலைஞர், ஜெயலலிதா இருவரின் அரசியல் சாணக்கியத்தைக் கணித்து அவர்கள் உருவாக்கிய அத்திவாரத்தைக் கரைப்பதற்கு தேவையான எல்லா வேலைத்திட்டங்களையும் கச்சிதமாக செய்து வருகிறது என்பது தான் உண்மை! 

கலைஞரும் திராவிடக் கட்சிகளும் உருவாக்கிய மொழி எதிர்ப்பும், நாத்திக வாதமும் சமூக நலனுக்கு என்ற கோஷத்திற்கு மேல் எப்போதும் இந்தியா என்ற தேசத்தின் மத்திய அரசுகட்சிகள் தமிழ் நாட்டிற்குள் தம்மை மீறி உள்ளே வரவிடமுடியாத காப்பரண்களாகவே உருவாகியுள்ளன! மத்திய கட்சி தமிழ் நாட்டுடன் ஒன்ற வேண்டுமானால் தமிழர்களுக்கு இந்தி தெரிய வேண்டும். மொழி தெரியாவிட்டாலும் நீயும் சிவனைக் கும்பிடுகிறாய், நானும் சிவனைக் கும்பிடுகிறேன் என்று கூறிவிட்டு ஒன்றுபட்டு விடுவார்கள். இந்த இரண்டு வேர்களும் வெட்டப்பட்டது மிக நுட்பமான தந்திரோபாயம், இது கலைஞரின் காலத்திற்கு உகந்த ஒரு தந்திரோயாபமாக இருந்தாலும் பாஜகாவின் திட்டமிட்ட, நீண்ட கால visionary leadership இற்கு முன்னால் செல்லாக்காசாகிக் கொண்டு இருக்கிறது என்பது தான் உண்மை! 

பாஜக வின் game plan சென்ற முறை 37 சீட்டும் அதிமுக விற்கு கொடுத்து அவர்களை நாடாளுமன்றத்தில் கையாலாகாதவராக்கி, மக்களுக்கு வெறுப்பை உருவாக்கி  இந்தமுறை அவர்களுக்கு மாற்று என மக்களால் நினைக்கப்படும் தெரிவு செய்யப்பட்ட 37 திமுகவை கையாலாகாதவர்களாக்கி, இந்த இரண்டு கட்சிகளும் மக்கள் தாமாக விரக்தியுற்று வெறுக்கும் வரை எந்த Charismatic leader இனையும் இறக்கி தனது ஆற்றலை வீணாக்காது, இடையில் நமக்கும் இவருக்கும் தொடர்பே இல்லை என்கிற மாதிரி சட்ட மன்றத்தில் ரஜனியை இறக்கி field ready ஆக இருக்கிறதா என்று நாடி பார்க்கும், தமிழ் நாட்டு மக்களுக்கு திராவிட மாயை அகலத் தொடங்குகிறது என்று தெரிந்த பின்னர் அடுத்த நாடாளுமன்ற தேர்தலில் தமிழகத்தில் தாமரையை மலர வைப்பார்கள்! 

அறுபது ஆண்டுகள் ஒழுக்கமுள்ள இயக்கமாக ஒருதேசம் என்ற கோட்பாட்டில் மோடி, அமித் ஷா, யோகி ஆதித்ய நாத் என Serial ஆக தலைவர்களை உருவாக்கியுள்ளார்கள்! இப்போது உள்ள நிலவரத்தில் தமிழ் நாட்டின் இரண்டு பிரதான கட்சிகளும் பாஜக வின் ஆசி இல்லாமல் மக்களின் மனதை வெல்லுவதற்கு முடியாது. இதையெல்லாம் கணித்து தூர நோக்கில் வியூகம் அமைக்கும் ஆற்றலுள்ள கலைஞர் போன்ற தலைவர்கள் இப்போது எவருமில்லை!