வார்த்தைகளும் உணர்ச்சிகளும்

வார்த்தைகள் உணர்ச்சிகளை மறைக்கும் திரைகள்! 

பெரும்பாலும் கற்றறிந்தவர்கள் எல்லோரும் இப்படித் தான் மற்றவர்களை ஏமாற்றுகிறார்கள்.

மனிதனின் உணர்ச்சி ஒரு போது பொய் சொல்லுவதில்லை! அது தான் உண்மை மனிதன்!

நான் உங்களை மதிக்கிறேன் என்ற வார்த்தைக்கும் உணர்ச்சிக்கும் மிகுந்த வேறுபாடு உள்ளது! உணர்ச்சிகளில் உண்மை இருந்தால் அப்படிப்பட்ட வார்த்தைகள் தேவையில்லை!

நான் உன்னைக் காதலிக்கிறேன் என்ற வார்த்தைகளை விட உணர்ச்சி உண்மையாக இருந்தால் அப்படிப்பட்ட வார்த்தைகள் தேவையற்றவை! 

உண்மையில் வார்த்தைகள் எமது உணர்ச்சிகள் எதிர்ப்புறமாக இருக்கும் போது அந்த உணர்ச்சிகளைப் புனிதப்படுத்த பயன்படுத்தப்படுபவை! எவராவது அடிக்கடி உங்களை மதிக்கிறேன் என்று கூறிக் கொண்டிருந்தால் ஆழத்தில் அவர் உங்களை வெறுத்துக் கொண்டிருக்கலாம்! உன்னைக் காதலிக்கிறேன் என்று அடிக்கடி கூறிக் கொண்டிருந்தால் ஆழத்தில் அந்தக் காதலில் அவருக்கு நம்பிக்கை இல்லாமலிருக்கலாம்! 

ஒருவரைப் பற்றி அகத்தில் தவறான எண்ணங்களை விருத்தி செய்து கொண்டு வெளி வேடத்தில் அவரது பதவிக்காகவும், நமக்கு மேலே இருக்கிறார்கள் என்ற பயத்திற்காகவும் மரியாதை செய்தால் அது ஒரு தற்காலிகமாக மேக மூட்டம் போல் குறித்த நபரை நம்ப வைக்கும், ஆனால் நீண்ட நாள் நிலைக்காது! 

ஏனெனில் நாம் மனதின் ஆழத்தில் உருவாக்கும் எண்ணங்கள் பலமானவை, அவை நாம் போலியாக மரியாதை செய்யும் நபரின் ஆழ் மனத்திற்கு எமது மனத்தை படம் போட்டுக் காட்டிக் கொண்டு தான் இருக்கும்! 

உங்கள் மேற்பார்வையாளரோ, உறவுகள் எதுவாக இருந்தாலும் போலி மரியாதையை வார்த்தைகளில் காட்டாமல் உள் மன சிந்தனையில் தெளிவாக இருங்கள். அவர்களை உங்களால் ஏற்றுக் கொள்ள முடியாத அளவிற்கு இருந்தால் முதலில் அவர்களுடன் தைரியமாக உரையாடும் சந்தர்ப்பத்தை ஏற்படுத்தி புரிந்துணர்வினைக் கொண்டு வர முயற்சியுங்கள். அப்படி செய்ய முடியாத அளவிற்கு அவர்கள் ஆணவமயமானவர்கள் என்றால் மரியாதையுடன் தைரியமாக விலகி விடுங்கள்! இப்படி முடிவெடுக்கத் தெரியாத நபர்களே தங்கள் வாழ்க்கையில் எப்போது துன்பத்தில் இருப்பவர்கள்!