மந்திர ஜெபம் - பதஞ்சலியோக சூத்திரம் - மூளை அறிவியல்

மனதினைச் சரியாக பயன்படுத்துவதன் மூலம் மூளையை மாற்றமுடியும் என்பதை பதஞ்சலியாரும் புத்தரும் தெளிவாக அறிந்துள்ளார்கள். 

இங்கு யோக சூத்திரத்தில் பதஞ்சலியார் மந்திர ஜெபத்திற்கு தரும் வரைவிலக்கணத்தைப் பார்ப்போம். 

तज्जपः तदर्थभावनम् ॥२८॥

taj-japaḥ tad-artha-bhāvanam ॥28॥

அதனை (மந்திரத்தை) தொடர்ச்சியாக ஜெபித்துக்கொண்டு அதன் அர்த்தத்தை பாவித்துக்கொண்டு இருக்க ,

ஒருவன் தன்உணர்வினை (consciousness) அடைவதன் மூலம் தனது யோகப்பாதையில் மனதின் வழுவால் ஏற்படக்கூடிய தடைகளையும் நீக்குகிறான். 

இங்கு பதஞ்சலி மந்திரம் எனக்குறிப்பிடுவது ஓம், ஆனால் அவர் கூறும் அறிவியலை நாம் பல விஷயங்களுக்குப் பயன்படுத்தலாம். 

ஜெபம் என்பது தைல தாரையைப்போல் தொடர்ச்சியாக இடைவெளி விடாமல் உச்சரிக்கப்பட வேண்டும், அதேவேளை அதன் பொருள் உணர்ச்சிப்பூர்வமாக மனதில் உருவகப்படுத்தப்படவேண்டும். இப்படி செய்யப்படும் ஜெபம் ஒருவனின் தடைகளை நீக்கி தன்னுணர்வினைத் தரும். 

இதை காயத்ரி மந்திர சாதனை சரியாகச் செய்கிறது, காயத்ரி மந்திரத்தின் பொருள் "புத்தியைத்தூண்டும் அந்த பேரொளியை என்னில் இருத்தி தியானிப்போமாக" என்பதாகும். சரியான உச்சரிப்புடன் இந்தப்பொருளை மனதில் பாவித்துக்கொண்டு செய்யப்படும் காயத்ரி மந்திர ஜெபம் மூளையில் தகுந்த மாற்றத்தை ஏற்படுத்தும் என்பதை இன்றிய நவீன அறிவியல் உறுதிப்படுத்தியுள்ள "Thought process of mind change the brain" என்ற முடிவுக்கு பொருந்தி வருகிறது. 

காயத்ரி மந்திரத்தின் மூளை மீதான தாக்கம் பற்றிய சிறு ஆய்வினை The International Journal of Indian Psychology {ISSN 2348-5396 (e) | ISSN: 2349-3429 (p), Volume 3, Issue 2, No.7, DIP: 18.01.115/20160302} 

வெளியிட்ட Effect of Gayatri Mantra Meditation on Meditation Naive Subjects: an EEG and fMRI Pilot Study by I S Thomas, S Rao; l (2016) என்ற கட்டுரை உரையாடுகிறது. 

மேற்குறித்த ஆய்வு பொதுமைப்படுத்தக்கூடிய விதியைத் தரும் பரந்த எண்ணிக்கையான Sample களைக் கொண்டிருக்காவிட்டாலும் அதுவரை காயத்ரி மந்திரத்தைப் பற்றி தெரியாதவர்களைக் கொண்டு தனியே மந்திரத்தை மட்டும் கேட்கச் செய்து மூளையில் ஏற்படும் மாற்றத்தை பதிவு செய்துள்ளார்கள். 

அவர்களின் முடிவுகள்:

The results showed that the areas that had maximum activation were in the bilateral superior temporal gyri, right temporal lobe, right insula, left inferior parietal lobule, lateral globuspallidus and culmen of the cerebellum. 

அர்த்தம் தெரியாமல் மந்திரத்தைக் கேட்பதனால் மேற்குறித்த பகுதிகள் தூண்டப்படுகின்றன என்பதே இந்த ஆய்வின் முடிவுகளாகும். 

இதில் முக்கியமான செய்தி காயத்ரி மந்திரத்தைக் கேட்கும் போது insula எனப்படும் insular cortex தூண்டப்படுகிறது என்பதும், நீண்டகால தியான சாதகர்களில் இந்தப்பகுதி தடித்து இருப்பது அறியப்பட்டுள்ளமை ((Lazar et al, 2005, Meditation experience is associated with increased cortical thickness. Neuroreport, 16, (17): 1893-1897, 

மூளையின் Insular cortex பகுதியே ஒருவரின் உணர்ச்சி, விழிப்புணர்வு, உடல் சமனிலை என்பவற்றைக் கட்டுப்படுத்துகிறது. காயத்ரி மந்திர ஜெபத்தை கேட்பதன் மூலம் (கவனிக்கவும் பதஞ்சலி கூறுவது போல் அர்த்ததுடன் ஜெபிப்பதால் அல்ல) இந்தப்பகுதி தூண்டப்படுகிறது. 

கேட்கும் ஒலியமைப்புகளே மூளையைத் தூண்டுகிறது என்றால் சரியான அர்த்தம் புரிந்து மூளையில் தகுந்த எண்ண அமைப்பை (thought process) ஏற்படுத்தும் ஜெபசாதனை மூளையில் இன்னும் ஆழமான மாற்றத்தை ஏற்படுத்தும் என்பதை அனுமானிக்கலாம்!