தாவோவின் பிரபஞ்ச மறையியல் தத்துவம்

தாவோவின் அடிப்படைத் தத்துவம் தமிழ் சித்தங்களதும் தாந்திரீக மரபினதும் தத்துவத்திலிருந்து வேறானதல்ல. அண்டமும் பிண்டமும் ஒரே விதிகளுக்கு அமைய இயங்குகிறது என்பது தான். மனித உடல் நுண்பிரபஞ்சமாக பௌதீக பிரபஞ்சம் அகண்ட பிரபஞ்சமாக இயங்குகிறது என்பது தான் அடிப்படை. அண்டமும் பிண்டமும் பிரிக்க முடியாதபடி ஒத்திசைகிறது என்பது தாவோவின் முதல் விதி. சித்தர்களின் முதல் விதியும் கூடத்தான். 

மனிதனது அக உலகம், பிரபஞ்சத்தின் அக உலகத்துடன் தொடர்பு கொண்டு ஒத்திசைந்து இயங்குகிறது. அதனால் பிரபஞ்சத்தின் ஒவ்வொரு இயக்கத்திலும் மனிதன் நுண்மையாக பங்கு கொள்கிறான், இவை பிரிக்க முடியாத படி பின்னிப் பிணைந்து காணப்படுகிறது. 

இந்த அண்டத்திற்கும் பிண்டத்திற்குமான இணைப்பில் வாழ்வது தான் தாவோவில் வாழ்தல்!

தாவோவில் வெளிப் புலன்களுக்கு தோற்றாத இயற்கையின் கூறு சொர்க்கம் என்றும் தோற்றும் இயற்கையின் கூறு பூமி என்றும் கூறப்படுகிறது.