யாழ்ப்பாணத்து வீரசைவர்

 

கடுஞ் சிந்தாந்த சைவர்கள் யாழ்ப்பாணத்தில் சைவ சித்தாந்தம் மாத்திரமே இருந்தது என்று வாதிடுவதுண்டு!

ஆனால் யாழ்ப்பாணத்தில் வைரவரிற்கு ஆடு பலியிடும் வேள்வி மரபு சாக்த காபாலிக பைரவாகம மரபிலிருந்து வந்தவை!

அதுபோல் சைவத்திற்குள் ஜாதி பேதங்களை மறுக்கும் சமத்துவ சைவ மரபு வீரசைவம்! இந்த மரபினைச் சார்ந்த ஒரு பெரும் அறிஞர் கடந்த நூற்றாண்டில் இருந்திருக்கிறார் என்பது சிறப்புச் செய்தி!

கும்பகோணம் வீரசைவ மடத்தில் தீட்சை பெற்று வீரசைவ குருவாக இருந்த சுன்னாகம் மாணிக்கத் தியாகராஜ பண்டிதரே அவர்!

சேர். பொன் அருணாச்சலம் அவர்கள் கட்டுவித்த கொழும்பு முகத்துவார பெரியானைக் குட்டிச் சித்தரின் சமாதியின் கும்பாபிஷேகம் இவர் தலைமையில் தான் நடந்ததாக அவரது வண்ணைச் சிலேடை வெண்பா நூல் அணிந்துரை சொல்கிறது.

சேர். பொன் இராம நாதனின் சமாதிக்கிரியையும் இவரே நடாத்திவைத்தார் எனபதும் கூடுதல் தகவல்.

வீரசைவர்களுக்கு தீட்டு இல்லை என்று கடும்போக்கு யாழ்ப்பாணத்து சமூகத்துடன் வாதிட்டு வெற்றியும் பெற்றிருக்கிறார்.

இத்தகைய மரபுகள் சமூகத்திலிருந்தது பற்றி எவரும் ஆய்வு செய்து, உரையாடி பயனுறத் தொகுத்ததாகத் தெரியவில்லை!

படம்: நன்றி Aaruthirumurugan Aaruthirumurugan ஐயா