பழைய ஆவணத்தின் பின்னாலும் ஒரு அருமையான ஞாபகம்

 

வருட இறுதி அலுமாரி, மேசைகள், கோப்புகள் எல்லாவற்றையும் சுத்தப்படுத்தும் போது கிடைக்கும் ஒவ்வொரு பழைய ஆவணத்தின் பின்னாலும் ஒரு அருமையான ஞாபகம்! அந்த வகையில் வவுனியா ஆங்கில கழகத்தில் நான் ஆற்றிய இந்த உரைக்குப் பின்னால் ஒரு சிறு கதை இருக்கிறது!

நான் வவுனியா நகரத்தை மையமாகக் கொண்டு சூழலியல் முகாமைத்துவ மூலோயாயம் எப்படி வகுக்க வேண்டும் என்று சொல்லி எனது இறுதியாண்டு ஆய்விற்காக தேர்ந்தெடுத்தேன்!

சேர்க்கப்பட்ட தகவல்கள் ஒரு இளமானிப் பட்ட ஆய்வுக்குத் தேவையானவற்றை விட அதிகமாக இருந்ததாலும், எனது தம்பி மதுரன் தமிழவேள் ஒரு ஊடகவியலாளராக பணியாற்றிக்கொண்டிருந்ததாலும் வவுனியா நகரம் சார்ந்த சூழலியல் கட்டுரைகளை வாரவாரம் பத்திரிகையில் environmental journalism ஆக எமது ஆய்வுகளில் கண்டறியப்பட்ட பிரதான சூழலியல் பிரச்சனைகளின் மூலகாரணங்களை எழுதுவது என்று முடிவெடுத்தோம்!

எனது தம்பி Bharati Rajanayagam அண்ணாவின் அறிமுகத்தை ஏற்படுத்தித் தந்தார். பாரதி அண்ணா அப்போது தினக்குரல் ஞாயிறு பதிப்பின் பிரதம ஆசிரியர்! நானும் எனது நண்பர்களும் சேர்ந்து ஒவ்வொரு வாரமும் கட்டுரை எழுதினால் அதற்கு முழுப்பக்கம் தந்து பெரிய தலைப்புகளை இட்டு ஊக்கப்படுத்தினார்.

இப்படியெழுதிய கட்டுரை ஒன்று நகரசபைக்கு பெரும் அழுத்தங்களைக் கொடுத்தது. அப்போது நகர சபையில் அரசியல்வாதிகள் இருக்கவில்லை; முழுக்கட்டுப்பாடும் செயலாளருடையது. குறித்த கட்டுரையைப் படித்த செயலாளர் எனக்கு அழைப்பை ஏற்படுத்தி " தம்பி, என்னை ஒருக்கால் வந்து சந்தியும்" என்றார்; நானோ மாணவன் இன்னும் கற்கையை முடிக்கவில்லை. எதற்காகக் கூப்பிடுகிறார் என்பதைப் புரிந்துகொண்டு எல்லாத் தரவுகளையும் எடுத்துக்கொண்டு சந்திக்கச் சென்றேன்!

சென்றவுடன் அரச அதிகாரிக்கேயுரிய தோரணையுடன் நீர் எழுதியதெல்லாம் சரியோ? என்றார். நான் ஆம் ஐயா என்று சேகரித்து வைத்திருந்த தகவல்களைக் காட்டினேன். முறைப்படி ஆதாரங்களும், தரவுகளுடனும் ஆய்வு செய்திருக்கிறோம் என்றேன்; நான் சரியாகத் தான் நடந்திருக்கிறேன் என்று புரிந்துகொண்டார்.

சரி, இப்படித் தலைப்பு போட்டு எமக்கு அழுத்தம் கொடுக்கலாமோ என்றார்!

ஐயா, நான் தலைப்பை இடவில்லை; கட்டுரையை மாத்திரம்தான் அனுப்பினேன் என்றேன்! புரிந்துகொண்டார்!

பிரச்சனைகளை எப்படி வாய்ப்பாக்குவது என்றே சிந்தித்துகொண்டிருக்கும் எனக்கு அந்த சந்தர்ப்பத்தைப் பயன்படுத்தி வவுனியா நகரத்தின் மீதான எனது ஆய்வினைப் பற்றிச் சொல்லி இந்த வவுனியாக நகர சூழலியல் முகாமைத்துவ frame work இந்த நகரத்தின் பிரதான முகாமையாளரான நீங்கள் கட்டாயம் நீங்கள் ஒரு தடவை கேட்க வேண்டும் என்று விண்ணப்பித்தேன்!

மகிழ்ச்சியுடன் ஒத்துக்கொண்டு தனது உத்தியோகத்தர்களையும் கலந்து கொள்ளச் செய்து இந்த நிகழ்ச்சிக்கு வருகை தந்தார்!

இந்த நிகழ்ச்சியின் ஏற்பாடு அனேகமாக Dr. Jeyaseelan Gnanaseelan செய்து தந்ததாக இருக்க வேண்டும் என்று நினைக்கிறேன்!

அந்தக்காலத்தில் சூழலியல் பிரச்சனைகள் சார்ந்து எழுதிய பத்திரிகைக் கட்டுரைகள் என்னிடமிருந்து தவறிவிட்டது!

ஒரு காலத்தில் நான் ஒரு

Environmental Journalist ஆகவும் இருந்திருக்கிறேன்!

#பழையஆவணங்கள்