பங்குனி உத்தரமும் சோடச மூல வித்தையும்

பங்குனி உத்தர நன்னாள் ஸ்ரீ பூர்த்தி அமைந்த நன்னாள் 

எங்கும் நிறை ஆதிஸக்தி பொன்னிறக் கிரணங்களால் 

சோடச மூலவித்தை விசுத்தியில் பதித்து ஊர்த்துவம் ஏற்றினாள்

ஒவ்வொரு பூரணையாக உத்தர நிறைமதியில் நிறைத்தாள் பூர்த்தி  வித்தையை

துவாதச பஞ்சதசம் பூர்த்திசெய்வித்தாள் ஒவ்வொன்றும் 

இருபட்சமாய் பன்னிரெண்டு மதிமாதத்தில் குருவருளாளே 

அம்ருத ஆநந்தத்தின் பேருளால் பதினாறு வயதுடையவள் அழகு காண 

ஆத்ம ஆநந்தத்தின் பேரருளால் ஏறினேன் பதினாறு படிகளும் 

அம்ருதமும் ஆத்மாவும் இரண்டல்ல அவளேயான ஒன்றென்று 

காட்டினாள் அனுபவத்தில்