நயினை நாகபூஷணி அம்மனின் ஸ்வரூப லக்ஷணம்

 

நயினை நாகபூஷணி அம்மனின் ஸ்வரூப லக்ஷணம் என்ன ?

அன்னை மணித்வீபத்து புவனேஸ்வரி என்று அழைக்கப்பட்டவள்; நாகர்கள் வழிபட்டு நாக அலங்காரம் - பூஷணம் ஏற்றதால் நாகபூஷணி என்று அறியப்படுகிறாள்!

அன்னையை வழிபடும் பத்துப்பெரும் மார்க்கங்கள் - தசமஹாவித்யாவில் நான்காவது மகாவித்தையான புவனேஸ்வரி வித்யை.

சக்தி பீடங்களின் அன்னையின் கணுக்கால் விழுந்த பகுதி மணிப்பல்லவம் எனும் நயினா தீவாக கருதப்படுகிறது.

இது இலங்கையில் இருக்கும் சக்தி பீடம்.

புவனேஸ்வரி தியானம் 

பிரகாசிக்கின்ற ரத்னங்களால் ஆன கிரீடத்தில் மின்னும் அழகிய சந்திர கலையை நிறைந்த, உருக்கிவிட்ட பொன், போன்ற மஞ்சள் நிற மேனி, செந்தாமரை போன்ற சிவந்த முகம், சிவந்த உதடுகள் உடையவளும் பிரகாசிக்கின்ற காந்திகளால் ஆகாயத்தின் எல்லாப் பகுதிகளையும் ஜ்வலிக்கச் செய்கின்றதும், பாசம், அங்குசம், வரதம், அபயம், இவைகளைத் தன் கையில் கொண்டவளும், வெண்மையான நிமிர்த்த ஸ்தனங்களை உடையவளும், சூரிய மண்டலத்தில் இருப்பவளும், ஐந்தலைகளுடைய நாக அலங்காரம் உடையவளுமான ஸ்ரீஜகன்மாதா நாக புவனேஸ்வரியை வணங்குகிறேன்.