தாயே தந்தையே வணங்கிடுவேன் என் முதல் தெய்வமாக

தாயே தந்தையே வணங்கிடுவேன் என் முதல் தெய்வமாக,
திருவருள் தந்திடுவீர் தாயே தந்தையே திருவருள் தந்திடுவீர்
திருமகன்(திருமகள்) நான் பணிகின்றேன்
திருவருள் தந்திடுவீர் தாயே தந்தையே
திருகுருவின் அருள்பெறவே
திருமானின் அருள்பெறவே
திருவருள் தந்திடுவீர் தாயே தந்தையே
தினம் தினம் வணங்குகின்றோம்
தாய்பூமியில் தவமிருந்தே
தரணிதனில் பக்குவத்தை
தன் உணர்வின் பொக்கிஷமாய்
தழைத்தோங்கும் உயர் ஞானமுடன்
தக்கதொரு செயலுருவாய்
திக்கெட்டும் சத்தியத்தின் சக்தி நிலை
திகழ்ந்தோடும் வளர்ச்சியில் யாம்
திகழ்ந்திடவே அருள் செய்வீர்
திருவருள் தந்திடுவீர் தாயே தந்தையே திருவருள் தந்திடுவீர்

-- மஹரிஷி ஈஸ்ரவரப்பட்டர் -

தாய்தந்தை ஆசீர்வாதமே உண்மை ஆன்ம முன்னேற்றத்தினை தரும்!

ஈஸ்வரப்பட்ட மகரிஷியின் வாக்கு,

கண்டொன்று கதைப்பர்

காணாமல் பல கதைப்பர்

விண்டொன்று உரைப்பர்

விபரீதம் பல விதைப்பர்

உண்டென்ற உண்மையை

உன்னுள்ளே ஊன்றிப்பார்

விண்ணுலகம் சென்றுதான் 

விளங்கவேண்டும் பலவென்றால்

பக்தியென்ற வழிதனை

படைத்ததின் பொருள் என்ன?

மனிதன் என்ற பிம்பத்தில்

மமதைதனை விலக்கிவிட்டால்

ஞானி கண்ட வழியினை

ஞானமுடன் காணலாம்

சித்தம் கொண்ட செயலினை

சித்ததுடனே கண்டிட்டால்

தேவர்கள் செயலா யொன்றியே

தெய்வத்தின் சக்தியாய் கலந்திடலாமே

- ஈஸ்வரப்பட்ட மகரிஷி -

ஈஸ்வரப்பட்ட மகரிஷியின் வாக்கு

புகழ் கண்டு மயங்காதே

புகழ் தேடிச் செல்லாதே

புகழாரம் பாடாதே

இன்னல் கண்டு கலங்காதே

இகழ்ச்சி கண்டு பதறாதே 

இகழ்ந்துரைக்க எண்ணாதே