காயத்ரி சாதனையும் இல்லறயோக அடிப்படைகளும்

இல்லற யோகத்தின் அடிப்படை

**************************************************

நாம் இல்லறத்திலிருந்து யோக சாதனை பயிற்சிக்கும் இல்லற சாதகர்கள், ஆகவே இல்லற யோகத்திற்குரிய விதிமுறைகளைச் சரியாக புரிந்துகொள்வதும், பொதுவழக்கில் இருக்கும் ஆச்சாரங்களை சாதனையுடன் குழப்பிக் கொள்ளக்கூடாது.

சாதாரண இல்லற வாழ்க்கையில் இருந்து வெறுப்பு ஏற்பட்டால் நாம் சாதனைப் பாதையில் இருந்து விலகுகிறோம் என்று உணரவேண்டும்.

நாம் சாதனைசெய்கீறோம், எமது கணவன்/மனைவி சாதனை செய்யவில்லை, நாம் சிறப்பானவர்கள், அவர்கள் புண்ணியம் செய்யவில்லை என்ற நினைப்புத் தோன்றினால் சாதனைப் பாதையிலிருந்து விலகுகிறோம். எமது சாதனையும் அவர்களுக்கானது என்ற உறுதியான எண்ணம் இருக்கவேண்டும்.

குடும்பக்கடமைகள், கணவன், மனைவி, பிள்ளைகளால் சாதனை செய்ய முடியவில்லை என்றால் நாம் சிரத்தையில்லாதவர்கள் என்பதே அர்த்தம் அன்றி இப்படியான சாக்குப்போக்கு காரணங்களை சாதனை செய்யாமலிருப்பதற்கு திருப்தி செய்யக்கூடாது.

சாதனை செய்வதால் எனது கர்ம பாவங்களை ஏமாற்றிவிட்டு தப்பித்து விடலாம் என்று எண்ணக்கூடாது, சாதனையால் வரும் ஆத்ம, மனோ, பிராண பலத்தால் எந்தத்துன்பத்தையும் எதிர்த்து முன்னேறுவேன் என்ற மனப்பாங்கு இருக்க வேண்டும்.

சாதனை செய்வது அற்புத சித்திகளுக்கு என்ற மன ஏக்கம் அறவே இருக்கக்கூடாது, சாதனையின் சங்கல்பத்தை மீண்டும் மீண்டும் படித்து என்ன நோக்கத்திற்காக சாதனை செய்கிறோம் என்பதை மனதில் பதிவித்துக்கொள்ள வேண்டும்.

சாதனையின் முன்னேற்றம் என்பது சித்த சாதனையில் கூறப்பட்ட பண்புகள் எம்மில் விழிப்படைந்து இருத்தல். அவை எமது அடிப்படைப் பண்புகளாக மாறிவருகிறதா என்பதை கூர்ந்து கவனித்து அவற்றைப் பெற முயற்சிக்க வேண்டும்.

சுருக்கமாக சாதனை செய்யத்தொடங்கி முன்னுறுகிறோம் என்பதன் அறிகுறி அமைதியான, மகிழ்ச்சியான வாழ்க்கையைப் பெறுகிறோம் என்பதுதான்! இது சாத்தியமானால் உயர்ந்த யோக வாழ்க்கையினுள் தேவி அழைத்துச் செல்வாள்!