காயத்ரியும் குண்டலினி யோகமும்

இந்திரியம் அடங்க ---- கரணம் அடங்கும்

கரணம் அடங்க ---- பிராணன் அடங்கும்

பிராணன் அடங்க ---- மூலம் அடங்கும்

மூலம் அடங்க ---- குண்டலினி அடங்கும்

குண்டலினி அடங்க ---- பிந்து அடங்கும்

பிந்து அடங்க ---- பரை அடங்கும்

பரை அடங்க ---- பரிசுத்த பிரம்மம் ஆவார்.

- சைவ சத்குரு சச்சிதானந்த சுவாமிகள்

மேற்கூறிய உபதேசம் ஒரு உயர்ந்த யோகசூத்திரம்; இதன் விளக்கம் வருமாறு;

”இந்திரியம் அந்தக்கரணத்திற்கு உள்ளீடு (Input), பிராணன் அந்தக்கரணத்திற்கு சக்தி (energy) உள்ளீட்டினை நிறுத்தினால் அந்தக்கரணத்தின் சலனம் முதல் நிலையில் குறையும், பிறகு சாதகன் தனது இச்சக்தியும், குருவின் இச்சக்தி துணை கொண்டு கரணத்தை அடக்க, உடல் பிராணன் அடங்கி மூலத்திற்குள் பாய்ந்து ஊர்த்துவமுகமாக ஏற ஆரம்பிக்கும், இப்படி ஏற மறுபடியும் அந்தக்கரணங்களின் (மனதின்) தோற்றமான மூலம் சலனிக்க அதையும் இச்சாக்தி கொண்டு அடக்கி யோகம் செய்ய மூலத்தை சலனிக்கச் செய்யும் மகாபிராணன் குண்டலினி சலனிக்கும்! இதையும் அடக்க புருவமத்தியில் பிந்துவில் மகாபிராணனான குண்டலினி அடங்கும், இதற்கு மேலுள்ளவை அன்னையின்/குருவின் திருவருளால் நடப்பவை, சாதகனின் முயற்சி இல்லை!”

இதை எப்படிச் சாதிப்பது என்பதற்கு காயத்ரி சஹஸ்ர நாமம் வழிகாட்டுக்கிறது. காயத்ரி சஹஸ்ர நாமம் என்பது காயத்ரி சாதகனுக்கு தேவி எப்படி குருவாக இருந்து வழிகாட்டுவாள் என்ற விளக்கமாகவே கொள்ள வேண்டும்,

காயத்ரி அந்தக்கரணத்தைச் சுத்தி செய்யும் அறிவுச் சுடர்; புத்யை (சஹஸ்.நாமா:693) வேதமாதா, பிராணனை ஒழுங்குபடுத்தும் பிராண மாதா; மூலாதாரத்திலுறைபவள் மூலாதாரஸ்தியாயை (சஹஸ்.நாமா:820) மூலாதாரத்திலிருந்து ஊர்த்துவ முக ஏற்றத்தினை சாதகனுக்குத் தருபவள் - ஊர்த்துவோகதி பேதின்யை (சஹஸ்.நாமா:83) குண்டல்ன்யை (சஹஸ்.நாமா:133) தேவியே பிந்து நாத கலாதீதாய (சஹஸ்.நாமா:711) தேவியே பரை - பராயை (சஹஸ்.நாமா:511) தேவியே பரப்பிரம்மம்

ஆக அன்னை காயத்ரியின் நித்திய உபாசனை மேற்கூறிய எல்லவற்றிற்கும் வழிகாட்டும் என்பது பெறப்படுகிறது.

சாதகன் ஒழுங்காக காயத்ரி ஜெபம் குருமுக உபதேசமாகச் செய்து வருவானேயானால் அதுவே பெரும் யோக சாதனை என்பதனை இந்த நாமாக்களின் மூலம் புரிந்துகொள்ளலாம்.

அன்னையே உள்ளிருந்து எமக்கு வழிகாட்டுவாள்