மந்திர ஜெபம்

மனனாத் த்ரயதே மந்த்ரஹ; 

மனனிப்பதால் எது எம்மை (பந்தம், துன்பங்களிலிருந்து) விடுவிக்கிறதோ அது மந்திரம்; மந்திரம் என்பது மனதையும், வாக்கினையும் ஒத்திசையவைத்து இணைத்து சக்திப்பிரவாகத்தை உருவாக்கும் செயலைச் செய்வது. இந்த சக்திப்பிரவாகத்தால் மனதின் குழப்பமான எண்ணச் சிக்கல்களிலிருந்து வெளிவந்து உணர்வு உயர்ந்த தளத்திற்கு பயணிக்க உதவும் கருவி மந்திரம்.  நுண்ணிய சப்தங்கள் பகுக்கப்படாத தெய்வசக்தியின் நுண்மையைப் உணர்வு புரிந்து கொள்ள உதவுகிறது. மந்திரம் அறிவிற்கு அப்பாற்பட்டது. அதன் சந்தமுடனான ஜெபம் உணர்வினை உயர்ந்த தளத்திற்கு உயர்த்தி அனுபவத்தைத் தருவது. மந்திரத்தின் நுண்மையான தன்மை தூய உணர்வுடன் (pure consciousness) தொடர்பு பட்டுள்ளது.  வாக்கையும் இந்த உணர்வையும் மந்திரத்தால் இணைக்கும் போது மனம் தெளிவு பெறுகிறது. மனம் உயர் நிலை பெறுகிறது.  ஆகவே இடையிடையே எண்ணங்களால் தடைப்படாமல் செய்யப்படும் மந்திர ஜெபம் குறித்த தெய்வசக்தியை எம்முடன் இணைக்கும். இதனாலேயே வாய் அசைக்காமல் செய்யப்படும் உபாம்சு ஜெபம் உயர்ந்த ஜெபமாகச் சொல்லப்பட்டிருக்கிறது.