உங்கள் மனதினை அறிந்து கொள்ளுங்கள் - 04

மனதின் தன்மைகள் - புலனறிவு (Perception)

இதற்கு முந்தைய பதிவுகள்: 

1. http://yogicpsychology-research.blogspot.com/2011/08/01_03.html
2. http://yogicpsychology-research.blogspot.com/2011/08/02_7530.html
3. http://yogicpsychology-research.blogspot.com/2011/08/03_05.html

இதுவரை எதிர் பார்க்கப்படும் புலனறிவு எப்படி மனித மனத்தினை பாதிக்கின்றது என்று பார்த்தோம். எந்த ஒரு விடயமும்,  நன்மையும் தீமையும் கலந்தது தானே! தேர்ந்தெடுக்கும் உரிமை மட்டும் அவனிடம் கொடுக்கப்பட்டுள்ளது. இதன் மூலம் அவன் தனது வாழ்கையினை இன்பமானதாகவோ துன்பமானதாகவோ ஆக்கிக்கொள்ளலாம். அடிப்படையில் இந்த எதிர் பார்க்கப்படும் புலனறிவுதான் மனிதனிற்கு செயல் புரியும் கிரியா சக்தியினை - செயல் உத்வேகத்தினை தோற்றுவிக்கிறது.  அல்லது மறுதலையாக செயல் புரியவேண்டும் என்ற உத்வேகம் எதிர் பார்க்கப்படும் புலனறிவினை கட்டமைக்கின்றது. இது ஒரு இருவழிச் செயற்பாடு. எனவே புலனறிவு என்பது ஒருவரது அறிவினை சேகரிப்பதற்கும், செயல்புரியும் உத்வேகத்தினையும் எதிர் பார்க்கப்படும் புலனறிவினூடாக ஒருமனிதன் கட்டமைப்பதாகவே அமைந்துள்ளது. அதே நேரம் இது சமூக புலனறிவாக, ஒரு குழுமமாக சேர்ந்து இயக்கப்படும் போது எதிர்பார்க்கப்படும் புலனறிவு சரியாக கட்டமைக்கப்பட்டு பக்கச்சார்பின்றி குறையாத உத்வேகத்துடன் செயற்படும் போது  பாரியளவில் வெற்றியினையும்  அதே நேரம் பிழையாக, பக்கச்சார்புடன் அல்லது பெருங்குழப்பத்துடன் இயக்கப்படும் போது தோல்வியினையும், விரக்தியினையும், துன்பத்தினையும் தருகிறது. இதனை எமது நாட்டுப்பிரச்சனையுடன் ஒப்பிட்டு விளங்கிக்கொள்ளலாம். 

இந்த பகுதி உங்களுக்கு மனித மனத்தின் ஒரு தன்மையான புலனறிவு பற்றியும் அது எப்படி தனிமனிதனை, சமூகத்தினை இயக்குகிறது என்பதற்கான அடிப்படையினையும் அறிந்திருப்பீர்கள். இதனை உங்களது சிந்தனையாற்றல் மூலம் பல்வேறு விடயங்களில் பொருத்திப்பார்ப்பதன் மூலம் மேலும் நீங்கள் விளங்கிக் கொள்ளலாம். 

அடுத்தவாரம் மனித மனத்தின் முக்கிய ஆற்றலாகவும், கணிதம், மொழி, விஞ் ஞானம், கலை, தத்துவம் என அனைத்துற்கும் ஆதாரமாக விளங்கும் காரணித்தல் (Reasoning) எனும் தன்மை பற்றி பார்ப்போம்.

வாசகர்களாகிய உங்களுடைய பின்னூட்டங்களை, கேள்விகளை அனுப்பவும்.