உங்கள் மனதினை அறிந்து கொள்ளுங்கள் - 02

மனதின் தன்மைகள் - புலனறிவு (Perception) 

இதற்கு முந்தைய பதிவினை பார்க்க:

1. http://yogicpsychology-research.blogspot.com/2011/08/01_03.html

முதலில் மனம் பற்றி புரிதல் அவசியம், ஒரு தொலைக்காட்சியோ கணணியோ வாங்கினால் அதனுடைய கட்டமைப்பு எப்படியிருக்கிறது, அதனது பாகங்கள் என்ன? ஒவ்வோன்றினுடைய செயற்பாடும் என்ன? என்று ஒரு குறிப்பேடு வரும், அதனை நன்கு விளங்கி வைத்திருப்பவர்கள்தான் அந்த பொருளை பயன் படுத்தி உச்ச பலனை பெறமுடியும், சில பேர் பொருளினது பாவனை பற்றி தமது அனுபவ அறிவு கொண்டு விளங்கிக்கொள்வர், இந்த கட்டுரை தொடரினை நீங்கள் உங்கள் மனதினது கூறுகள் என்ன? அதனை எதற்கு பயன்படுத்தலாம்? என்று அறிவதற்குரிய குறிப்பேடாக/மனுவலாக கருதலாம்.

மனத்தின் தன்மை பற்றி மனத்தினூடாகவே புரிதல் வேண்டும், இதனைத்தான் ஆன்மீகத்தில் தன்னையறிதல் என்று கூறுவார்கள், கவிஞர் கண்ணதாசன் பாடல்களில் உன்னையறிந்தால் நீ உன்னையறிந்தால் உலகத்தில் போராடலாம் என்றார், மாபெரும்தத்துவ ஞானி அரிஸ்டோட்டில் உன்னை அறி என்றார். வரும் பகுதியில் மனதின் தன்மைகள் எவையென சுருக்கமாக பார்க்கலாம்;

மனதின் முதலாவது தன்மை புலனறிவு (Perception). அதாவது கண், காது, தோல், நாக்கு, மூக்கு முதலிய ஐம்புலன்களாலும் பெறும் தூண்டல்களை ஒழுங்கு படுத்தி தானிருக்கும் சூழலினை உணர்தல் அல்லது அறிதல். ஐம்புலன்களது தூண்டல்களும் நரம்புக் கலங்களூடாக கடத்தப்பட்டு மனவுருவாக்கத்தின் (MENTAL CREATION) மூலம் புலனறிவு பெறப்படுகிறது. இதனை ஒரு உதாரணம் மூலம் விளங்கிக் கொள்ளலாம். எந்திரன் படப்பாடல் ஒன்றினை படத்தினை பார்க்காமல் கேட்ட சந்தர்ப்பத்தினையும் படத்தில் குறித்த காட்சியினை பார்த்த பின்னரும் கேட்கும் சந்தர்ப்பத்தினை நினைவு படுத்தி பார்க்கவும். பாடல் கேட்கும் போது நாம் எப்படி உணர்கின்றோம். பாடல் ஒலிக்கும் போது முதலாவதாக எமது காது உணர்ந்து ஒலியினை நரம்பு தூண்டல்களாக மாற்றுகிறது. பின்பு நரம்பினூடாக மூளைக்கு தூண்டல் கடத்தப்பட்டு மனவுருவாக்கம் நடை பெறுகிறது. இப்போது எமது உதாரணத்திற்கு வாருங்கள்; படம் பார்க்காத போது மனதில் என்னவிதமான உருவங்கள், எண்ணங்கள் தோன்றும்? பார்த்தபின் என்ன மாதிரியான மனவுருவங்கள் தோன்றும்? பாடலின் காட்சியினை பார்த்தவர் நிச்சயமாக பாடலில் ஆடுபவரது அங்க அசைவுகளை ஒலியுடன் மனவுருவில் கண்டறிவார்கள் என்பதனை நீங்களே அனுபவத்தில் அறிந்து கொள்ளலாம்.

அது சரி இந்த புலனறிவு செயற்பாட்டின் முக்கியத்துவம் என்ன? இதன் பயன்பாடு என்ன? இதனை மேம்படுத்துவதால் எப்படி நாம் வாழ்க்கையில் சிறப்புடன் செயற்படலாம்? இதை சற்று ஆராய்வோம்.

மிகுதி நாளை தொடரும்...