உங்கள் மனதினை அறிந்து கொள்ளுங்கள் - 01

மனதின் தன்மைகள் 01 - புலனறிவு (Perception)

மனம் என்பது பற்றி பற்பல விஞ்ஞான விளக்கங்கள், தத்துவ விளக்கங்கள், மத போதனைகள் என்பன வந்துள்ளன. அவற்றுல் பல ஆழமான ஆராய்ச்சிகள் சாதாரண வாசகர்களால் புரிந்துகொள்ள கடினமானவயாக உள்ளன, இன்னும் சில ஒருவர் தனது நாளந்த வாழ்க்கைக்கு பயன் படுத்தமுடியாதபடி கோட்பாட்டு விளக்கங்களை மாத்திரம் கொண்டதாக உள்ளது. மதம் சார்ந்த விளக்கங்கள் வெறும் மூட நம்பிக்கையினை அடிப்படையாக கொண்டதாக பகுத்தறிவுடன் தர்க்கரீதியாக புரிந்து கொள்ள முடியாதபடி பூடகமா உள்ளது. ஆக மனம் என்பது ஒரு புரியாத புதிராகவே இன்றுவரை பலரிற்கு இருக்கின்றது.

 

சற்று சிந்தனை ஆற்றலுள்ள மனிதன் தனக்கு வரும் நாளந்த பிரச்சனைகளின் மூலம் விடை தேட முனைகிறான். ஒருவன் தனக்கு மட்டுமே குறித்த பிரச்சனை ஏன் வருகிறது என்று புலம்புகிறான்? பொதுவாகப்பார்த்தால் வாழ்க்கையில் பணம் பிரச்சனை, கல்வி பிரச்சனை, வேலைப்பிரச்சனை, திருமணம் பிரச்சனை, சமூகத்தில் பிரச்சனை, நாட்டில் பிரச்சனை என பிரச்சனைப் போராட்டம் நீண்டு கொண்டே போகிறது. இதற்கு பலரும் தமக்குதெரிந்த வழிகளில் தீர்வுகாண முனைகின்றனர், இறுதியின் பிரச்சனைத்தொடர் நீண்டு கொண்டே சென்று ஒன்று ஆன்மீகம், சாமியார், மந்திர மாயம் என்று முடிவுறும், இல்லை பிரச்சனை ஆன்மீகபிரச்சனையாக புதுவடிவம் பெறும், அல்லது இது எமது விதி என்று நொந்தவாறு நடப்பவற்றை ஏற்றுக்கொள்வது, எதிர்பார்த்த விளைவு கிடைக்காமல் விரக்தியில் போராடுவது என புது உருப்பெறும்.

ஆனால் ஒருசில மனிதர் வாழ்க்கையில் வெற்றிபெற்றிருக்கிறார்கள், பலரை தமது கட்டளையின் கீழ் இயங்க செய்திருக்கிறார்கள். நம்பமுடியாத வியக்கும்படியான சாதனைகளை செய்திருக்கிறார்கள், அது எப்படி? நீங்கள் அது அவர்களுடைய பணம், சூழல் என எக்காரணம் சொன்னாலும் அதை விட வேறு ஒரு காரணி இருக்கத்தான் செய்யும். அதுதான் மனம் என்று விஞ்ஞன ரீதியிலாக நிருபித்திருக்கிறார்கள்.

ஒரு மனிதன் எதைச்செய்தாலும், கதைத்தாலும் மனம் என்ற ஒன்றினூடாகவே செய்கிறான் என்பது சற்றே சிந்திப்பவர்களுக்கு விளங்கும். ஆதலால் உங்களுக்கு மனம் என்ற ஒன்று இருப்பதை நீங்கள் உணர்ந்திருக்கிரறீர்கள். நீங்கள் இந்த கட்டுரையினை வாசிப்பதற்கு என்ன செய்கிறீர்கள்? கண்களால் பார்க்கிறீர்கள் என்று கூறினால் சற்று கண்களை மூடிவிட்டு இதனை நினைவு படுத்த முயற்சிக்கும் போது எதனூடாக செயல் புரிகிறீர்கள்? விஞ்ஞானம் படித்தவர்கள் மூளையினால் என சொல்லக்கூடும், ஆனால் மூளை என்பது கிட்டத்தட்ட ரேடியோ இயந்திரமோ அல்லது கணணியில் உள்ள புரொசசர் போன்றது என்பது இக்கட்டுரையினை தொடர்ச்சியாக படிப்பவர்களுக்கு விளங்கப்படுத்தப்படும்.

எனவே வாசகர்களுக்கு ஒருவன் எந்த செயலினை செய்வதானாலும் மனம் என்ற ஒன்று இயங்காமல் செயல் புரிய முடியாது என்பது சற்று விளங்கியிருக்கும் என்று நம்புகிறேன். இந்த தொடரின் நோக்கம் என்னவெனில் மனம் பற்றிய எளிய செயல் விஞ்ஞான விளக்கங்களுடன் நாளாந்த வாழ்வில் எப்படி பிரச்சனைகளை தீர்ப்பது தொடக்கம், அதீத மனஆற்றல் தொடர்பான கருப்பொருள்கள் சிறிய அனுபவப் பயிற்சிகளுடன் வாராந்தம் விளக்கப்படும்.

மனம் பற்றிய விளக்கம் மேலும் தொடரும்...