முக்குணங்கள் - திரிகுணங்கள் ஒரு புரிதல்.

 

__

_________________________

ஈழத்துச் சைவர்கள் என்று ஒரு வாட்ஸப் குழு இருக்கிறது. அங்கே ஆக மொத்தம் 500+ உறுப்பினர்கள் இருக்கிறார்கள். ஒரு சிலரே கருத்துப் பதிவர். அப்படி திரிகுணங்களைப் பற்றி பதியப்பட்ட ஒரு பதிவிற்கு மேலதிக புரிதலாக விளக்க இந்தப் பதிவுத் தொடர்.

திரிகுணம் என்பது - சத்வம் (சமநிலை, தெளிவு), ரஜஸ் (செயல்பாடு, ஆர்வம்), மற்றும் தமஸ் (மந்தநிலை, இருள்)

இது பல இந்திய தத்துவ அமைப்புகளில் - தரிசனங்களின் - அடித்தளமாக உள்ளது. குணங்கள் வெறும் மனோதத்துவக் கொள்கைகள் மட்டுமல்ல, அண்ட செயல்முறைகள், உளவியல் மனநிலைகள் மற்றும் நெறிமுறை நடத்தை ஆகியவற்றின் நடைமுறை தீர்மானிப்பவை.

சொற்பிறப்பியல்: குணம் (गुण) என்பது "இழை "strand"" அல்லது "தரம்" என்று பொருள்படும். அதாவது இயற்கையாகிய பிரகிருதியின் எதனால் இழைக்கப்பட்டிருக்கிறது என்பதே குணங்கள். இது திரி "மூன்று" குணங்களால் இழைக்கப்பட்டிருக்கிறது.

இந்தப் பிரபஞ்சத்தின் இயற்கை சத்துவம், ரஜோ, தமோ என்ற மூன்று குணங்களினால் இழைக்கப்பட்டிருக்கிறது.

இந்தத் தத்துவத்தின் முறையான விளக்கம் ஈஸ்வரக்ருஷ்ணர் எழுதிய (சுமார் 4 ஆம் நூற்றாண்டு CE) சாங்கிய காரிகாவிலிருந்து வருகிறது.

சாங்கிய தத்துவத்தின் படி பிரகிருதி என்பது பிரபஞ்சத்தின் முதன்மையான, மயக்கமற்ற, பொருள் காரணமாகும், இது சமநிலையில் உள்ள மூன்று குணங்களால் உருவாக்கப்பட்டது: பிரபஞ்சத்தில் நீங்கள் காணும் எல்லாப் பொருட்களும் இந்த முக்குணங்களின் கலப்பே!

ஸத்த்வம்ʼ லகு⁴ ப்ரகாஶகம்ʼ ஶிதம்ʼ ஶுக்லம்ʼ ச,

ரஜோ ரூக்ஷம்ʼ திக்ஷ்ணம்ʼ ச ஶ்ருʼதம்ʼ ரக்தம்ʼ ச,

தம꞉ கு³ரு வரணகம்ʼ மந்த³ம்ʼ க்ருʼஷ்ணம்ʼ ச

சாங்கிய காரிகை - 12

இந்த மூன்று குணங்களை எப்படி விளங்கிக்கொள்வது என்பதை இந்த ஸ்லோகம் விளக்குகிறது.

"சத்வம் என்பது இலகுவானது,ஒளியானது, குளிர்ச்சியானது மற்றும் வெண்மையானது;

ரஜஸ் என்பது நகரும் தன்மை கொண்டது, தூண்டுகிறது, வெப்பமானது மற்றும் சிவப்பு நிறமானது;

தமஸ் என்பது கனமானது, தடையாக இருப்பது, மந்தமானது மற்றும் இருண்டது."

இந்த முக்குணங்களை எப்படி நடைமுறையில் பயன்படுத்துவது?

குணங்கள் மன நிலைகளை பாதிக்கின்றன — சத்வம் தெளிவைத் தருகிறது, ரஜஸ் கிளர்ச்சிக்கு வழிவகுத்து செயலைத் தூண்டுகிறது, தமஸ் மந்தநிலையை ஏற்படுத்தி ஓய்வினைத் தருக்கிறது.

ஆன்மீக பயிற்சி: அப்பியாசம் (பயிற்சி), வைராக்யம் (பற்றின்மை) மற்றும் புத்தி-பரிசுத்தி (புத்தியின் சுத்திகரிப்பு) மூலம் கைவல்யத்திற்கு விவேக-ஞானம் பெற சத்துவ குணத்தைப் பெறவேண்டும்.