கந்தரனுபூதி மந்திரப் பிரயோகம் - 02 :
**************************************************
எம்மை மதிக்காதவர்களை மதிக்கச் செய்ய
****************************************************
அப்படியென்றாம் நீங்கள் அந்த அழகன் முருகனை முறையாகத் தியானிப்பதில்லை என்று கூறுகிறார் அருணகிரி நாதர் தனது இரண்டாவது பாடலில்;
உல்லாச நிராகுல யோகவிதச்
சல்லாப விநோதனும் நீயலையோ
எல்லா மறவென்னை யிழந்தநலஞ்
சொல்லாய் முருகா சுரபூ பதியே.
முருகன் உல்லாச நிராகுல யோகவிதன் - இதன் பொருள் மிகச்சிறப்பானது!
முருகன் எப்போதும் உல்லாசமானவன், மகிழ்ச்சியுடையவன், பேரின்பம் உடையவன்.
முருகன் எப்போதும் நிராகுலன் - கலக்கம் இல்லாத, மனக்குழப்பம் அற்றவன்
இவை இரண்டும் எப்படிச் சாத்தியன் என்றால் அவன் தன்னையறியும் யோகவித்தையை அறிந்தவன், யோக ஞானத்தில் நிபுணன்.
உல்லாசமானவன் என்றவுடன் சினிமா பார்த்து, நாட்டியம் ஆடும் உல்லாசத்தை இங்கு குறிக்கவில்லை! தன்னை அறிந்த சுய ஸ்வரூபத்தை அறிந்ததால் வரும் பேரின்பத்தில் திளைக்கும் யோகி!
சல்லாப வினோதன் - சல்லாபம் செய்தல் என்றால் இனிய உரையாடல், பாச உரை; பொதுவாக மனைவியுடம் காதலியிடம் பாசமாக உரையாடுவதை சல்லாபம் என்போம்!
வினோதன் என்றால் வேடிக்கை காட்டி மகிழ்ச்சியைத் தருபவன்!
சுரபூபதி என்றால் எல்லாத் தெய்வகுணங்களினதும், தெய்வ மனங்களினதும் தலைவன், இந்திரன் என்பது வருவதை முன்னரே அறியத் தரும் தெய்வ குணம் கொண்ட தெய்வமனம் - Intuitiveness. இதன் மருகன், தலைவன் முருகன்.
முருகன்
1. எப்போதும் மகிழ்ச்சியுடைய உல்லாசன்
2. கலக்கம், குழப்பமற்ற நிராகுலன்
3. மனதை முழுமையாக அடக்கிய சுய ஸ்வரூபத்தை அடைந்த யோகவிதன்
4. இனிய பாசமாக கதைக்கக்கூடிய சல்லாபன்
5. வேடிக்கை காட்டி மகிழ்ச்சி தரக்கூடிய வினோதன்
6. எல்லாத் தெய்வகுணங்களினதும், வருவதை முன் அறிவிக்கும் தெய்வ மனதின் அதிபதி
இந்த ஆறு குணங்களதும் கதிர்ப்பே ஆறுமுகங்கள், முருகனை வழிபடும் போது இந்தக்குணங்கள் எமக்கு வாய்க்கும்! அப்படி வாய்த்தால் அவர்களை எவருக்கும் பிடிக்காமல் போகுமோ!
எப்போதும் உல்லாச மனமுடையவனை அனைவரும் விரும்புவர்
கலக்கம், குழப்பமற்ற மனது உடையவன் அனைவருக்கும் ஒரு பலமாக, ஆலோசனை கேட்டு, தலைவனாக ஏற்கக்கூடியவனாவான்!
யோகத்தால் மனதைக் கட்டியவன் சிற்றின்ப, புலன் இன்பங்களுக்கு ஆளாகமாட்டான்.
பாசமாகக் கதைக்கத் தெரிவனிடம் மயங்காதவர் எவரோ?
வேடிக்கை காட்டி மகிழ்ச்சி உருவாக்கக் கூடியவனை எல்லோரும் விரும்புவர்!
தன்னை எதிர்த்த சூரபதுமனையே சேவலும், மயிலுமாக்கி சாயுச்சிய பதவி வளங்கி தன்னுடன் வைத்துக்கொண்டவன், எதிரிகளை வதம் செய்யாமல் தன்னுடைய இந்த அறுகுணத்தால் வசம் செய்பவன் முருகன்!
இந்தப்பாடலை தான் "Harry Dickman என்றவொரு ஜெர்மானிய மாணவனுக்கு பிரயோகம்ச செய்யச் சொல்லிக்கொடுத்து அவர் அதன் படி செய்து அவரை சூழ வேலை செய்பவர்கள் அவருடன் உள்ள எதிர்ப்பு மாறி அவருக்கு ஆதரவு தருபவர்களாக மாறிவிட்டார் என்று தியாகராஜ முதலியார் தனது நூலில் பதிவு செய்திருக்கிறார்.
உங்களைச் சூழ உள்ளவர்களை உங்களுக்குச் சாதகமானவர்களாக மாற்ற இந்தக் கந்தரனுபூதிப் பாடலின் பொருளை உணர்ந்து அந்தப்பண்புகள் {உல்லாச நிராகுல யோகவிதன் சல்லாப வினோதன் சுரபூபதி} உங்களிலும் முருகன் அருளால் உண்டாவதாக பாவிக்கவும்! அற்புத மாற்றத்தைக் காண்பீர்கள்.
இதற்கு ஒரு யந்திரமும், மூல மந்திரமும் பிரயோகம் இருக்கிறது. அதை குருமுகமாக அணுகி கற்றுக்கொள்ளவும் 077 627 1292
No comments:
Post a Comment
எமது பதிவுகளை FaceBook இல் பகிர விரும்புவவர்கள் தகுந்த இணைப்புடன் பகிரவும். தமது தனிப்பட்ட வலைத்தளங்களில் பகிர விரும்புவபர்கள் தனிப்பட்ட மின்னஞ்சல் மூலம் அனுமதி பெற்று பகிரவும். எழுந்தமானமாக பிரதி செய்து பகிர்வது முறையான செய்கையாக கருதப்படமாட்டாது.