கந்தரனுபூதி மந்திரப் பிரயோகம் - 03 :

*****************************

கல்வியில் சிறக்க, எல்லா ஞானமும் பெற

*************************************

கந்தரனுபூதியின் மூன்றாவது பாடலை தியாகராஜ முதலியாரின் குருவான சித்த புருஷன் கல்வியில் மெச்ச என்று தலைப்பிட்டுள்ளார்.

இந்தப் பாடலின் பொருளையும் உணர்ந்து, தரப்பட்ட மூல மந்திரம், யந்திரத்துடன் பிரயோகம் செய்ய சாதகன் எல்லாவிதக் கல்வியிலும் சிறந்தவனாவான். இது எப்படி என்ற விளக்கத்தை இந்தப்பாடல் தருகிறது.

3. கல்வியின் மெச்ச

வானோ புனல்பார் கனல்மா ருதமோ

ஞானோ தயமோ நவில்நான் மறையோ

யானோ மனமோ எனையாண்ட இடம்

தானோ பொருளா வதுசண் முகனே

வானோ புனல்பார் கனல்மா ருதமோ - நீ ஆகாய தத்துவமோ, ஜலதத்துவமோ, ப்ருதிவி தத்துவமோ, அக்னி தத்துவமோ, வாயு தத்துவமோ என்ற ஒழுங்கில் கேட்கிறார்.

பஞ்ச பூதங்கள் பஞ்சீகரித்த ஒழுங்கில் சொல்வதானால் ஆகாயம், வாயு, அக்னி, அப்பு, பிருதிவி என்ற ஒழுங்கில் வரவேண்டும்.

ஆனால் இங்கு தரப்பட்டுள்ள ஒழுங்கு ஆகாயம், அப்பு, பிருதிவி, அக்னி, வாயு என்ற ஒழுங்கில். இந்தப் பஞ்சபூத ஒழுங்கு மிக சூஷ்சுமமான இரகசியம்! ஒருவன் இந்த ஒழுங்கில் மனதின் சூக்ஷ்மத் தன்மையினை ஒழுங்கமைத்தால் அவன் எல்லா ஞானங்களை கிரகித்தறியும் தன்மை உடையவன் ஆவான்.

ஒருவனின் மனதில் ஆகாயத்தன்மை அதிகமாக இருக்க எதையும் ஊடுருவி உள்வாங்கும் ஆற்றல் பெறுவான்.

அதில் அப்புத்தன்மை கலக்க இறுக்கமற்ற ஜலம்போல் ஓடும் தன்மையுடைய மனதைப் பெறுவான். இப்படியான தன்மை பெற்றால்தான் அவனால் ஒரு விஷயத்தைத் தடையில்லாமல் சிந்திக்க முடியும்.

ஒருவனின் ஞாபசக்திக்கு ஆதாரம் பிருதிவி தத்துவம். பிருதிவி தத்துவம் நன்றாக இல்லாவிட்டால் ஒருவனுக்கு ஞாபகசக்தி வாய்க்காது.

ஒருவன் கேள்வி கேட்டு விசாரணை செய்யும் அறிவு அக்னி தத்துவத்தால் வருவது.

இறுதியாக வாயுதத்துவம் மிகக்குறைவாக இருந்தால்தான் சலனிக்காமல் மனதை ஒரு விஷயத்தில் நிறுத்தி ஏகாக்கிரம் செய்ய முடியும்.

இவை மாறி இருந்தால் ஒருவனால் எதையும் கற்க முடியாது, வாயுதத்துவம் அதிகமாக இருந்தால் மனம் சலனித்துக்கொண்டு உன்மத்தத்திற்குச் செல்லும், அக்னி அதிகமாக இருந்தால் வெறுமே கேள்வியின் நாயகர்களாக இருப்பார்களே அன்றி எதையும் உண்மையாகக் கற்கு ஆற்றல் இருக்காது! பிருதிவி அதிகமானால் தாமஸமாகும். ஆகவே அது அளவாக நடுத்தரத்தில் இருக்க வேண்டும். ஆகாயம் அதிகமாக இருந்தால் தால் சிந்திப்பதற்குரிய space மனதில் அதிகமாக இருக்கும். பிறகு நீர்போல தாரையாக ஓடத்தெரிந்தால்தான் எதையும் சீராகச் சிந்திக்க முடியும்.

ஆகவே கல்வியில் மெச்ச ஒருவன் தனது பஞ்ச பூத நிலையை எந்த ஒழுங்கில் வைத்திருக்க வேண்டும் என்ற யோக நுணூக்கத்தை வானோ புனல்பார் கனல்மா ருதமோ என்ற வரியால் தந்துவிட்டான் அருணகிரி யோகீஸ்வரர். எமது மனம் இந்த நிலை பெறவேண்டும் என்பதை மூன்றாவது வரியில் "யானோ மனமோ எனையாண்ட இடம்" என்று குறிப்பிடுகிறார்.

மனம் இந்தப் பஞ்சபூத ஒழுங்கில் இருந்தால்தான் ஞான்ம் உதிக்கும், நால் வேதத்தின் பொருல் விளங்கும்,

எப்படி எமது மனதை இந்த பஞ்ச பூத நிலைக்கு நிலைக்கு இட்டுச் செல்வது?

இவ்வளவு பொருளாக இருப்பது அந்தச் சண்முகனே, அவனை உபாசித்தால் எமது மனம் இந்தப் பஞ்சபூத நிலை அடைவதால் ஞானம் உதிக்கும், நால் வேதத்தின் அறிவு வாய்க்கும், கல்வியில் மேன்மையுறலாம்!

இதைச் சாதிப்பதற்கு மூல மந்திரமும், யந்திரமும் தந்துள்ளார் அந்தச் சித்த புருஷர்! இந்த பாடலின் பொருல் அறிந்து அந்த மந்திர, யந்திரத்தால் மந்திர சக்தியில் மனதை இயக்குவதால் இந்த நிலை பெறலாம்.

முறையான மந்திரப் பிரயோகம் கற்றுக்கொள்ள வாட்ஸப் செய்யுங்கள்: 077 627 1292