சனி மஹாத்மியத்தில் சூரியனார் பெருமை

விக்கிரமாதித்திய மஹாராஜா கிரகங்களில் யார் முதன்மையானவர் என்ற கேள்வியினை முன் வைத்தவுடன் ஒவ்வொரு கிரகத்தினை உபாசித்து சித்தி பெற்ற பண்டிதர்கள் ஒவ்வோருவராக தமது கிரகத்தின் பெருமையினை ஒருவர் பின் ஒருவராக எடுத்துரைக்கத் தொடங்கினர். முதலில் நவக்கிரகங்களிலேயே ஒளிமிக்கதாகிய சூரியன் பற்றி பண்டிதர் ஒருவர் எடுத்துரைக்கத் தொடங்க்கினார்.

அவர் ஒளிமிகுந்த கண்ணுடன், உறுதியான உடல், மற்றும் வசீகரிக்கும் தோற்றத்துடன் கணீரென்ற குரலுடன் சூரியனது பெருமை பற்றி எடுத்துரைக்கத் தொடங்கினார்; 

"சூரியனே கிரகங்களில் உயர்ந்தவர், யார் தன்னை தொடர்ச்சியாக பிரார்த்திக்கிறாரோ அவர்களுக்கு கேட்பவற்றை கொடுப்பவர், நவக்கிரகங்களிலேயே சூரியனே பரம்பொருளின் அவதாரம், யாரொருவர் சூரியனை தொடர்ச்சியாக மனம் ஒன்றி வழிபடுகிறாரோ அவர் தனது மனக் கவலைகள், நோய்கள், வறுமைகள் நீங்கப் பெற்றவராகின்றார்கள். 

சூரியனின் தோற்றம் மெல்லிய, சுருண்ட தலை முடியுடையவர், ஒருமையான மனமுடையவர், வசீகரமான தோற்றம், கணீரெண்ர‌ குரல், அளவான உயரமுடையவர்,  தேன் போன்ற நிறமுடையதும் மது போன்ற ஒளியுடைய கண்களைக் கொண்டவர். எலும்புகள் உறுதியானவர், பித்த தோஷத்தினை உடையவர், அவர் உறுதியானவர், திடமானவர், அவரது உடல் நிறம் செம்புகலந்த பொன்னிறம் உடையது, அவரது பாதங்கள் காணமுடியாதவை, சிவப்பு பூக்களையும் பொன்னிற மஞ்சள் நிற உடையினையும் அணிந்திருப்பார். கைகளில் சிவப்பு தாமரை காணப்படும். அவருக்குரிய உலோகம் பொன் அல்லது செம்பு, இரத்தினம் மாணிக்கம், மனித உடலில் எலும்பின் தன்மையினை ஆழ்கின்றார். 

"அனைத்தும் சூரியனிலிருந்தே உற்பத்தியாகின்றன, அவரே அனைத்துக்கும் ஆத்மாவாகின்றார், அவரே வானாத்தின் அரசன், பூமிக்கும் வானத்தில் உள்ள தெய்வீக சக்திகள் அனைத்தையும் கட்டுப்படுத்துபவர், கிழக்குத்திசையின் அதிபதி, வாரத்தில் ஞாயிற்றுக் கிழமையினையும், ராசிகளில் சிம்மத்தினையும் ஆழ்பவர். ஒவ்வொரு நாளும் உருவாக காரணமானவர், தந்து உஷ்ணக்கதிர்களால் துளைப்பவர், உலகின் ஆனந்ததிற்கு காரணமானவர், இதனால் அவரை பிரகாசமானவர், உற்பத்திக்கு காரணமானவர், உருவாக்குபவர், உயிர்கொடுப்பவர், ஒளியானவர், நாள் ஒன்று உருவாக காரணமானவர் என அழைக்கப்படுகிறார். சூரியனது ஒளியில் காணப்படும் ஏழு நிறங்களே வேதங்களின் ஏழு சந்தஸ் ஆகிய காயத்ரி, துருஷ்டுப், அனுஷ்டுப், ஜகதி, பங்கி, ப்ருகதி, உச்ஷ்னிக் ஆகிய ஏழும். ஆகவே சூரியன் இன்றி காலக்கணிப்பு இல்லை. காலம் இன்றி வேதங்களும் இல்லை, கால நிலைகளும் இல்லை, எதுவுமில்லை. 

வருடம் என்பது சூரியனாரின் ரதம், அவரது ரத சக்கரம் 12 கம்பிகளால் ஆனது அவை ஒவ்வொரு மாதங்கள், மதிப்புக்குரிய அரசரே ஒவ்வொரு மாதத்திற்கும் அதிபதியாக அவரவர் தொழில்களை செய்வதற்கு ஒரு தேவதை, ஒரு அப்சரஸ், ஒரு ராக்ஷ்ஷர், ஒரு நாகன், ஒரு யக்ஷ்ஷன், ஒரு கந்தர்வன், ஒரு ரிஷி காணப்படுவர். உதாரணமாக ஜ்யேஷ்ட (ஆனி) மாதத்தினை எடுத்துக் கொண்டால் தேவதை - மித்ரா, அபசரஸ் - மேனகை, ராஷஷன் - பௌருஷ்ஷேயன், நாகன் - தக்ஷ்ஷக, யக்ஷ்ஷன் - ரதஸ்வானன், கந்தர்வன் - ஹாஹன், ரிஷி - அத்ரி ஆவர். தேவர்கள், ரிஷிகள், அப்சரஸுகள் அந்த மாதத்திற்குரிய நன்மையினையும், ராக்ஷ்ஷர், யக்ஷ்ஷர், நாகர்கள் அந்த மாதத்திற்குரிய தீயவற்றையும் செய்வர்.