இந்த பதிவினையும் பாருங்கள்: அனைவரும் தினசரி செய்யக் கூடிய எளிய யோகப்பயிற்சி
============================================================================
============================================================================
சரம் எனும் மூச்சே உயிர் என எல்லாச் சித்தர்களும் யோகிகளும் சொல்லிவிட்டு சென்றிருக்கிறார்கள். குழந்தையொன்று பிறந்தவுடன் மூச்சின் மூலமே உயிர் உடலினுள் வருகின்றது. அதுபோல் உயிர் போய் விட்டது என்பதுவும் மூச்சினை வைத்தே கணிக்கப்படுகிறது. ஆக வாழ்க்கை என்பது மூச்சு விடுவதில்தான் இருக்கின்றது.
சித்தர்களின், யோகிகளின் கூற்றுப்படி ஆரோக்கியமான மனிதனது ஒரு நாள் சுவாச எண்ணிக்கை அண்ணளவாக 21600 ஆகும். ஒரு நிமிடத்திற்கு அண்ணளவாக 15 மூச்சுகள் விடப்படும். ஒருவன் அமைதியாக இருக்கும் போது மெதுவாகவும் வேலை செய்யும் போது அதிகளவு மூச்சும் விடுவான்.
சர நூல்களின் கூற்றுப்படி"மூச்சின் அசைவைக் குறைத்தால் பிராணனின் அதிர்வு அதிகரிக்கும், மூச்சின் அளவை அதிகரித்தால் பிராணனின் அளவு குறையும்"
சிவ சம்ஹிதை எனும் ஹத யோக நூலின் கூற்றுப்படி "ஒழுங்காக பிராணாயாமம் செய்யும் ஒரு சாதகன் தனது மனதிலும், உடலிலும் ஒருவித ஒத்திசைவான நிலையினை அடைகிறான், நீண்டகால சாதனையில் அவனது உடல் ஒளிபெறுவதுடன் நல்ல மணமும் பெறுகின்றான், படிப்படியாக அவனது கர்மாவும் அழிவடைகிறது" என மூச்சினை கட்டுப்படுத்துவதால் ஏற்படும் பயனைக் குறிப்பிடுகிறது.
முன்னொரு பதிவில் மூச்சை கவனிக்கும் எளிய முறை யோகப்பயிற்சியினை பதிவிட்டபோது ஒரு நண்பர் "அதில் எப்படி மூச்சினை கவனிப்பது" என்பதைக் கூறவில்லை என்பதனை சுட்டிக்காட்டியிருந்தார். அந்தக் குறையினை நீக்க இந்தப் பதிவில் மூச்சினைக்கவனிப்பதற்கான எளிய முறை ஒன்றைக் கூறுகிறோம்.
பயிற்சி
ஓரிடத்தில் உட்கார்ந்து கொள்ளுங்கள், மூச்சினை மாற்றுவதற்கு எதுவித முயற்சியும் செய்யாதீர்கள், தொப்புளிற்கு சிறிது மேல்புறமாக ஒரு கையினை வைத்துக் கொள்ளுங்கள், உங்களது வயிறு பூரணமான ஓய்வில் உள்ளவாறு இருத்திக்கொண்டு மெதுவாக உங்கள் மூச்சு உள்ளிழுக்கும் போது வயிற்றின் அசைவினைக் கவனியுங்கள்,உள்ளிழுக்கும் போது மேல் வயிற்றுப்பகுதி (தொப்புளுக்கு மேல்) உயர்வதையும், மூச்சு வெளிவிடும் போது மேல் வயிறு உள் இழுப்பதையும் அவதானியுங்கள்.
இவ்வாறு சிறிது நேரம் அவதானிக்கும் பொழுது உங்களுக்கு மூச்சின் மீது விழிப்புணர்வு வர ஆரம்பிக்கும். இதுவே மூச்சினை கவனிப்பதற்கான செயல் முறையாகும்.
மனக்கொந்தளிப்பில் இருந்து விடுபட நண்பர் ஒருவர் சமீபத்தில் ஒரு எளிய மூச்சுப் பயிற்சி கற்றுத்தந்தார்.
ReplyDeleteதினமும் காலையும் மாலையும் செய்யவேண்டும். ஆரம்பித்துள்ளேன். பயன் தெரிகிறது.
பதிவு அருமை. நன்றி.
தங்களின் இந்த விளக்கம் அற்புதம். செய்ய முயற்சி செய்கிறேன்..
ReplyDeleteபகிர்வுக்கு மிக்க நன்றி..
மிகவும் நல்ல தகவல். நீண்ட நாட்களாக தேடிக்கொண்டு இருந்தேன். நாளை முதல் முயற்சித்து பார்க்கின்றேன். மிக்க நன்றி .
ReplyDeletethanks sir
ReplyDelete