பிராண சக்தியின் தன்மைகள் பற்றி சுருக்கமாக பார்ப்போம்
- உலகில் செயல்படும் சக்திகள் அனைத்திற்கும் ஆதாரமாய் இருப்பதுவே பிராணன்.
- மனித உடலில் பிராணனின் ஸ்தூல வடிவமே சுவாசம்.
- இது மனித உடலில் தலையில் உள்ள பிரம்மாந்திரம் என்னும் உச்சிக்குழியினூடாகவும், யோக சித்தி பெற்றவர்களுக்கு ஆறு ஆதாரங்கள் ஊடாகவும் சூஷ்ம உடலில் ஏற்கப்பட்டு, பின் ஸ்தூல உடலில் உள்ள 72000 நாடிகளூடாக உடலுறுப்புகளுக்கு செலுத்தப்படுகிறது.
- பிராணன் என்பது ஒருவித மின் காந்த சக்தி, அது செல்லும் இடங்களில் உள்ள தகவல்களை எடுத்து செல்லும், அதாவது நல்லது, கெட்டது என்பதில்லை.
- மனதின் தன்மைக்கு ஏற்றவகையில் பிராணனின் தன்மையும் மாறும். ஒருவருடைய பிராணசக்தி அவரது எண்ணம், நம்பிக்கைகள், உணர்ச்சிகள் ஆகியவற்றுடன் கலந்து அவற்றை வலுப்படுத்தும். அதேபோல் பிராணசக்தியுடன் கலந்து அன்பு, எண்ணங்கள், நம்ம்பிக்கைகள், உணர்ச்சிகளையும் செலுத்தலாம்.
- எம்மை சுற்றியுள்ள அனைத்திலிருந்தும் பிராண சக்தியினை நாம் உறிஞ்சுகிறோம், அதேபோல் இழக்கிறோம். இது அந்த இரு பொருட்களுக்குமிடையிலான சக்தி அளவு விகிதத்தினைப் பொறுத்தது. கூடியதிலிருந்து குறைந்ததிற்கு சக்தி பாயும் என்பது இயற்கை விதி.
- ஒருவன் தனது தியான சக்தி, பிராணாயாமம், ஆசனங்கள், வர்ம புள்ளிகளை அழுத்துதல் போன்றவற்றால் பிராணசக்தியினை சீர் செய்து கொள்ளலாம்.
- இது பஞ்ச பூதங்களாலும் இடகலை, பிங்கலை நாடிகளால் சமப்படுத்தப்படுவதுடன், யோக நிலையில் சுழுமுனை வழியாக பாயும்.
- இந்திய யோகப்பயிற்சி, கடவுள் வழிபாட்டில் உள்ள பூஜைமுறைகள், ஜெபம், தெய்வ சாதனைகள், பிராணபிரதிஷ்டை சடங்குகள், கோயில் வழிபாட்டு முறைகள் எல்லாம் இந்த பிராண சக்தியினை சேமித்து தம்மில் பெறுவதற்கான ஏற்பாடுகள் தான். இவை எதுவும் மூட நம்பிக்கைகள் அல்ல.
- இந்த பிராண இயக்கத்தின் தடையே நோயாகும். இந்த தடைகள் மனம்,உணர்ச்சிகள், வெளிப்புற பௌதீக பாதிப்புகள், எண்ணங்கள், சூழல் என்பவற்றால் வரலாம்.
அடுத்த பதிவிலும் தொடரும்....
-----------------------------------------------------------------------------------------------------------------------
இதனுடன் தொடர்புடைய பிற பதிவுகள்
பிராண சக்தி என்பதைப்பற்றி அருமையாக விளக்கி இருக்கிறீர்கள்.
ReplyDeleteஇந்த பிராணனைப் பிடித்து வைத்திருக்க (அல்) ஏற்றுக்கொள்ள நம் உடலும் தயாராக இருக்க வேண்டும். உடலில் ஏற்கனவே இருப்பதைவிட அதிக பிராணனைத் தாங்கும் சக்தி பலரின் உடலுக்கு இல்லை. உடல் பலத்தை அதிகரித்தால்தான் பிராண பலத்தை அதிகரிக்க முடியும். உடல் பலம் இல்லாமல் பிராண பலத்தை மட்டும் ஏற்றால் பல பிரச்சினைகளுக்கு ஆட்பட வேண்டி வரும் என்பது எனது தாழ்மையான கருத்து.
இதனால்தான் ஆசனம் செய்யாமல் பிராணாயாமம் செய்யக் கூடாது என கூறுகிறார்களோ???
பகிர்வுக்கு மிக்க நன்றி..
http://anubhudhi.blogspot.com/
உண்மைதான், ஆனால் அளவான பிராணாயமப் பயிற்சி மூலம் உடல் வலிமையினையும் கூட்டலாம் என்பது அனுபவம்! அதாவது உடல் வலிமை அற்று இருக்கும் போது ஆழ் சுவாசம் போன்ற சில மூச்சுப் பயிற்சியை (அனைத்தயும் அல்ல) செய்வதன் மூலம் உடல் வலிமையும் பெறலாம், ஆனால் குண்டலினி விழிப்பு போன்ற பயிற்சிகளில் உடல் வலிமையற்று பிராணாயாமம் அதிகம் செய்தால் பிரச்சனை வரும்!
ReplyDeleteநண்பரே , சித்த விஞ்ஞான கருத்துகளை தொகுத்து விளக்கும் நூல் ஏதேனும் இருக்கிறதா? நான் இதை பற்றி ஆய்வு செய்து கொண்டிருக்கிறேன்.
ReplyDeleteநண்பரே , சித்த விஞ்ஞான கருத்துகளை தொகுத்து விளக்கும் நூல் ஏதேனும் இருக்கிறதா ? நான் இதை பற்றி ஆய்வு செய்து கொண்டிருக்கிறேன்.
ReplyDeleteநண்பர் யுவா அவர்களே, தங்கள் தேவையின் விபரம் தந்தால் என்னால் உதவமுடியுமான அளவு உதவலாம்!
ReplyDelete