கோரக்க போதம் எனும் குரு சிஷ்ய சம்பாஷணை - 04

பகுதி -03 

ஓம் ஸ்ரீ கோரக்க நாத ஸ்ரீ குரு பாதம் பூஜயாமி தர்ப்பயாமி நமஹ!

முக்கிய குறிப்பு: இந்த பதிவு மொழிபெயர்ப்பு மாத்திரம்தான், இதன் பொருள் மறைபொருளாக விளக்கப்பட்டுள்ளது, படிப்பவர்கள் குருவருள் கொண்டு விளங்க முயற்சித்தால் பொருளறியலாம். இவற்றில் உள்ள விடயங்களை குண்டலினி யோகம், ஸ்ரீ சக்ர பூஜை விதிகளுடன் பொருந்திப்பார்த்து பயன்பெறலாம். ஆதலால் இது அனைவருக்குமான பதிவு அல்ல என்பதனையும் பணிவுடன் தெரிவித்துக் கொள்கிறேன். அந்த மார்க்கத்தில் உள்ளவர்களுக்கு மாத்திரமே உரியது.

31. கோரக்கர்: எங்கு மனம், பிராணன், சப்தம், சந்திரன் உறைகின்றன?

மச்சேந்திர நாதர்: மனம் இதயத்திலும், பிராணன் நாபியிலும், சப்தம் ஒருவனது மனோதிடத்திலும் உறைகின்றது.

32. கோரக்கர்: அப்படியாயின் இதயம் இல்லையெனில் மனம் எங்கு இருக்கும் அல்லது உறங்கும்? நாபியில்லவிட்டால் பிராணன் எங்கு இருக்கும்? ரூபம் இல்லாவிட்டால்  சப்தம் எங்கு இருக்கும்? சொர்க்கம் இல்லாமல் சந்திரன் எங்கு இருக்கும்? நாபி அற்ற பிராணன் தன்மையற்றதாகிறது, மனோதிடமற்ற சப்தம் ஆதாரமற்றதாகிறது, சொர்க்கமற்ற சந்திரன் ஆசையில் உறைகிறது. அப்படியாயின் இரவு இல்லையெனில் எப்படி பகல் வருகிறது? பகல் இல்லையெனில் இரவு எங்கே இணைகிறது? எப்போது ஒளியேற்றுவது? எங்கே ஒளியேற்றுவது?

33. மச்சேந்திர நாதர்: இரவில்லாமல் பகல் இயற்கையுடன் சங்கமமாகிறது, அப்போது அங்கு நாள் என்பது இல்லாமல் போகிறது, இவ்வாறு இரவும் பகலும் ஒன்றாகி இயற்கையாகும் போது ஒளியேற்ற வேண்டும், அந்த ஒளி எங்கும் நிறைந்த நிராதாரத்துடன் இணைகிறது; அந்த நிலையில் பிராணனும் இல்லாததாகின்றது, அங்கே பிராண சரீரம் சூன்யத்தில் உறைகின்றது. 

34. கோரக்கர்: யார் இந்த உடலைப் படைத்தவர்? எங்கிருந்து ஒளி உருவாகியது? பிரம்ம ஞானத்தின் வாய் எது? எப்படி பார்க்க முடியாதவற்றைப் பார்ப்பது?

35. மச்சேந்திர நாதர்: சார்பில்லாத பிரம்மமே உடலைப்படைத்தவர், சத் ஆகிய உண்மையில் இருந்து ஒளி உருவாகியது, சூன்யமே பிரம்ம ஞானத்தின் வாய், சத்குரு சிஷ்ய அனுபூதியால் காணமுடியாதவற்றைக் காணலாம்.

36. கோரக்கர்: எத்தனை இலட்சம் சந்திரர்கள் இந்த உடலில் உள்ளது? எப்படி பூக்களில் வாசனை உண்டாகிறது? பாலில் எங்கே நெய் உள்ளது? எப்படி ஆன்மா உடலில் அடைபடுகிறது?

மச்சேந்திர நாதர்: இரண்டு இலட்சம் சந்திரர்கள் இந்த உடலில் உள்ளது, சேதனமான உணர்வே பூக்களில் உள்ள வாசனை, நெய்யானது பாலில் பரவியுள்ளது, ஆன்மாவே உடலில் அடைபடுவதற்கு காரணமாகிறது.

37. கோரக்கர்: உடல் எதுவுமில்லாத இடத்து சூரியனும் சந்திரனும் எங்கு இருக்கும்? மலர்கள் ஏதும் இல்லாதவிடத்து வாசனை எங்கிருக்கும்? வால் இல்லையெனின் நெய் எங்கு இருக்கும்? உடல் இல்லையெனில் ஆன்மா எங்க்கிருக்கும்?

மச்சேந்திர நாதர்: உடலற்ற போது சூரியனும் சந்திரனும் எங்கும் பரவியிருக்கும், மலரற்ற போது வாசனை எல்லையற்று பரவியிருக்கும், பாலற்ற போது நெய் சூன்யத்தில் இருக்கும். உடலற்றபோது ஆன்மா பரம சூன்யத்தில் இருக்கும்.