கோரக்க போதம் எனும் குரு சிஷ்ய சம்பாஷணை - 03

பகுதி -03 

ஓம் ஸ்ரீ கோரக்க நாத ஸ்ரீ குரு பாதம் பூஜயாமி தர்ப்பயாமி நமஹ!

முக்கிய குறிப்பு: இந்த பதிவு மொழிபெயர்ப்பு மாத்திரம்தான், இதன் பொருள் மறைபொருளாக விளக்கப்பட்டுள்ளது, படிப்பவர்கள் குருவருள் கொண்டு விளங்க முயற்சித்தால் பொருளறியலாம். இவற்றில் உள்ள விடயங்களை குண்டலினி யோகம், ஸ்ரீ சக்ர பூஜை விதிகளுடன் பொருந்திப்பார்த்து பயன்பெறலாம். ஆதலால் இது அனைவருக்குமான பதிவு அல்ல என்பதனையும் பணிவுடன் தெரிவித்துக் கொள்கிறேன். அந்த மார்க்கத்தில் உள்ளவர்களுக்கு மாத்திரமே உரியது.

21. கோரக்கர்: சந்திரனின் வீடு எது? சூரியன் எது? எந்த வீட்டில் காலம் இசை பாடும்?  எங்கு பஞ்ச பூதங்க்களும் சமப்படும்?

22. மச்சேந்திர நாதர்: மனமே சந்திரனின் வீடு, பிராணனே சூரியன், சூன்யத்தில் காலம் இசைபாடும், ஞானத்தினை அடையும் போது பஞ்ச பூதங்களும் சமப்படும்.

கோரக்கர்: அமாவாசை என்பது என்ன? அதை எப்படி அறிவது? எது அல்லது எங்கு மஹா அமிர்தமாகும்? அதை எங்கு பெற்றுக்கொள்வது?பேரின்ப நிலையில் மனம் எங்கு உள்ளது?

           23. கோரக்கர்: அமாவாசை என்பது என்ன? அதை எப்படி அறிவது? எது அல்லது     எங்கு மஹா அமிர்தமாகும்? அதை எங்கு பெற்றுக்கொள்வது?பேரின்ப நிலையில் மனம் எங்கு உள்ளது?

24. மச்சேந்திர நாதர்: அமாவாசையில் சூரியன் இருண்ட இரவாக கருதப்படல் வேண்டும், அதை உருவாக்குவது சந்திரனாகும். மஹா அமிர்தம் கீழிருந்து மேல்கொண்டு செல்வதால் கிடைப்பதாகும். பேரின்ப நிலையிலே மனமானது எமக்குள்ளேயே உருவாகும் சொர்க்கத்தில் (ஆனந்தத்தில்) நிலைத்திருக்கும்.

குறிப்பு: இதில் மனம், பிராணன் ஆகியவற்றை கட்டுப்படுத்தி, குண்டலினியை மேலெழுப்பி அமிர்தத்தினை அடையும் முறை கூறப்பட்டுள்ளது. அனைத்தும் படி பாஷையாக கூறப்பட்டுள்ளது.

25. கோரக்கர்: எது கெட்ட வார்த்தையினை அழிக்கும்? நல்ல வார்த்தை எங்கு வசிக்கும்? எந்தப்பக்கம் பன்னிரெண்டங்க்குல பிராணன் எப்படி கட்டுப்படுத்தப்படுகிறது?

26. மச்சேந்திர நாதர்: நல்ல வார்த்தை கெட்ட வார்த்தையினை விழுங்குகிறது, அதுவே எப்போதும் தனாகவே நிரந்தரமாக இருக்கிறது. பன்னிரெண்டங்குல பிராணன் குருவின் வார்த்தையால் கட்டுப்படுத்தப்படுகிறது.

27. கோரக்கர்: யார் ஆதி குரு? யார் பூமியின் துணைவன்? எது ஞானத்தின் இருப்பிடம்? எது சூனியத்திற்கு வாசல்?

28. மச்சேந்திர நாதர்: அநாதியான இருப்பே ஆதிகுரு; சொர்க்கமே பூமியின் துணைவன்; விழிப்புணர்வே ஞானத்தின் இருப்பிடம்; விழிப்புணர்வுடனான அனுபூதியே சூன்யத்தினை அடைவதற்கான வாயில்!

29. கோரக்கர்: விழிப்புணர்வுடனான அனுபூதியினால் மாயையுடனான தொடர்பு அறுந்த பின்  எப்படி சந்திரனை (சோம சக்கரம்) பிளப்பது? எப்படி அணையை கட்டுவது? உடலை எப்படி அழியாது சிரஞ்ச்சீவிதன்மையுடையதாக்குவது?

30. மச்சேந்திர நாதர்: அனுபூதியுடனான விழிப்புணர்வு மனதில் வரும் போது உலக மாயை அறுகின்றது, பின்பு பிராணனை கட்டுப்படுத்துவதால் சந்திரன் அழிவான், உண்மையான ஞானத்தினால் அணையை கட்டி குருவை அறிதல் மூலம் ஒருவனுக்கு அமரத்துவம் உண்டாகிறது.