போதிதர்மரின் மறக்கப்பட்ட பக்கங்கள்

போதிதர்மர் பற்றிய மறக்கப்பட்ட பக்கங்களை பற்றிய ஒரு சிறு பகிர்தல், ஏனெனில் பதிவுலகமும் சரி, சினிமா உலகமும் சரி தமது வியாபார மசாலாவைத்தான் குறிவைக்கின்றனவே தவிர மக்கள் எவ்வளவு நல்ல விடயங்களை அறிந்து கொள்ளவேண்டும் என்பது பற்றி கவனம் செலுத்துவதில்லை. இதனால் உண்மையான விடயமும் அறியப்படாமல் வெள்ளத்தில் அடித்துச் செல்லப்பபட்ட பொருட்கள் போல ஆகிவிடுகின்றன.

இன்றைய தமிழ் சினிமாவின் பாதிப்பால் இன்று தமிழ் உலகில் போதிதர்மர் பற்றிய கருத்து "அவர் ஒரு தமிழர்" ஆம் நிச்சயமாக மறுக்கப்படமுடியாத அளவு சீன வரலாற்று ஆதாரங்களில் அவரது பிறப்பிடம் "தென்னிந்தியாவின் காஞ்சி" என பதியப்பட்டுள்ளது. (According to Chinese records, Bodhidharma was born in a kingdom of South India. Documents published just after Tang dynasty (ending in 907) describe that the name of the Kingdom is expressed with two Chinese characters ‟香至‟. The Chinese name 香至 means “fragrance extreme”. At the time of Tang dynasty, it is likely that 香至 is pronounced as Kang-zhi.)

அடுத்தது அவரது போர்க்கலை, அதற்கான ஆதாரங்களும் உள்ளன, ஷாவாலின் குங்பூ, டிம் மாக் இரண்டும் சத்திரிய வம்சத்தவரான அவரிற்கு பயிற்சி இருந்திருக்கும் என்பதில் எதுவித ஐயமுமில்லை. இவை இரண்டும் களரியிற்கும் வர்ம சாஸ்திரத்திற்கும் பொருந்தி வரக்கூடியவை.

மற்றய இரு விடயங்கள்; மருத்துவமும் அவரது தியான யோகமும்

இந்தப்பதிவில் போதிதர்மரின் தியான யோகம் பற்றியே சுருக்கமாக  பார்க்கப்போகிறோம்.

போதிதர்மரின் அடிப்படை போதனை; (Reason) காரணத்தை அறி, பின் பயற்சி (Practice) மூலம் அனுபவி என்பதாகும். அதாவது ஆரம்பத்தில் எந்தவொரு காரியத்தை தொடங்குவதற்கு ஒரு காரணம் தேவை, ஆனால் இறுதியில் பயிற்சியின் மூலம் புத்தா தன்மையை அடைதலாகும். இதன் பின்பே காரணம் என்பது மனம் தனக்காக கற்பித்துக் கொண்டது என்பதனை அறிகிறோம்.

துன்பங்களை இழப்பதற்கு ஒரே வழி புத்தா தன்மையினை அடைதலாகும். அதாவது ஒருவன் தனது மனதின் மூலம் தனது புத்தா தன்மையையிலிருந்து அதிக தூரம் விலகிப் போயிருக்கிறான்.  இதைப்பற்றி இந்தப்பதிவில் விளக்கப்பட்டுள்ளது. மீள‌த்திரும்ப‌லே புத்தா த‌ன்மையினை அடைத‌லாகும்.  இத‌ற்குரிய‌ வ‌ழி தியான‌ம் ஆகும்.

தியான‌ம் என்ப‌து விழிப்புண‌ர்வுட‌ன் கூடிய‌ அனுப‌வித்த‌லாகும். அதாவ‌து எம‌து ம‌ன‌து ப‌ற்றி விழிப்புண‌ர்வுட‌ன் அத‌ன் செய்கைக‌ள் அனைத்தையும் அறித‌லாகும். இந்த‌ செய‌ன் முறை போதித‌ர்ம‌ர் மிக‌ அழ‌காக‌ செய‌ன்முறையுட‌ன் கூறியுள்ளார்.

முத‌லாவ‌து இருப்பு ப‌ற்றிய‌ க‌ருத்து; சுய‌மும் ம‌ற்றைய‌வையும் உண்மையில் இல்ல‌திருத்த‌ல் என்ப‌தாகும். அதாவ‌து சுய‌ம் என்று ஒன்றுமில்லை. இதுவே நாம் ம‌ற்றைய‌ அனைத்தினையும் விரும்புவ‌த‌ற்கான‌ கார‌ண‌ம், அடிப்ப‌டையில் அனைத்தும் ஒன்றாக‌ இருப்ப‌தால்தான் ஒன்று ம‌ற்றொன்றை விரும்புகிற‌து என்ப‌து போதித‌ர்ம‌ரின் முத‌லாவ‌து த‌த்துவ‌மாகும்.

ஆக ஒரு காரியத்தை நாம் செய்வதற்கான காரணம் ஒன்றுதான், நாமே அதுவாக இருப்பதால் அதை விரும்புகிறோம். அதனால் அதனைச் செய்கிறோம். இதுவே அனைத்து செய்கைக‌ளுக்கும் கார‌ண‌மாகிற‌து. அப்படியாயின் பயிற்சி எப்படி? பயிற்சி நான்கு அங்கங்களைக் கொண்டது.

1. மனதிற்கு பிடிகாதபோதும் அந்த சந்தர்பங்களை நடு நிலையாக‌ ஏற்றுக்கொள்வது
2. அனைத்து சூழ் நிலைகளையும் ஏற்றுக்கொள்வது
3. எதையும் தேடாமல் இருப்பது
4. தர்மத்தினை பயிற்சிப்பது

இதில் முதலாவது பயிற்சியினைச் செய்வதற்கு எல்லா இருப்புகளும் துன்பமயமானவை என்பதனை அறிதல், எல்லா துன்பங்களுக்கும் காரணம் உள்ளது என்பதனை அறிதல், அந்த காரணத்தினை முடிவுக்கு கொண்டு வரலாம், அதற்கான வழிகள் சரியான பார்வை, சரியான எண்ணம், சரியான வார்த்தை, சரியான செயல், சரியான வாழ்க்கை முறை, சரியான முயற்சி, சரியான விழிப்புணர்வு, சரியான ஜென்(மனமற்ற நிலை)  ஆகிய எட்டையும் கடைப்பிடித்தல்.

உண்மையின் போதிதர்மர் மருத்துவர், போர்க்கலை ஆசான் என்பதெல்லாவற்றையும் விட ஒரு ஆன்மீக குரு, மனிதனது மனதில் உள்ள மாயைகள் அழிய கற்பித்த ஞானி என்பதே அவரது இறுதி உபதேசமாகும். ஆகவே அவரது உயர்ந்த ஞானத்தினையும் சற்று அறிந்து வைத்தல் அவரைப் பற்றிய புரிதலை அதிகரிக்கும்.

அடுத்த பதிவில் நோக்கு வர்மம், மெய்தீண்டாக்கால வர்மம் பற்றிய போதிதர்மரின் போதனைகளையும், தமிழ் சித்தர்களது குறிப்புகள், மற்றும் அது எப்படி வேலை செய்கிறது என்பது பற்றிய முழுமையான ஒரு விஞ்ஞான புரிதலுடன் விளக்கத்தினை பார்ப்போம்!