மாத்தளை தமிழ் பாடசாலை

எண்ணென்ப ஏனை எழுத்தென்ப இவ்விரண்டும்

கண்ணென்ப வாழும் உயிர்க்கு.

மாத்தளையில் தமிழ் பாடசாலைகள் 17 இல் இந்த முறை அண்ணளவாக 700 மாணவர்கள் அரச பாடசாலைகளில் இருந்து க.பொ. த சாதாரண தரத்திற்கு தோற்றுகிறார்கள்.

இவர்கள் அனைவரும் ஆகக் குறைந்தது "S" சித்தியைப் பெற வேண்டும் என்றால் கணிதத்தில் உள்ள ஆறு அலகுகளில் வரக்கூடிய அனைத்துவிதமான கேள்விகளை விளங்கிப் பயிற்சி செய்தால் சித்தி பெற்றுவிட முடியும்.

இதற்காக STEM-Kalvi தொண்டு நிறுவனம் கல்வித்திணைக்களத்தின் ஆலோசனையுடன் தகுந்த அனுபமுள்ள ஆசிரியரான திரு சசிதரன் ஆசிரியர் மாதிரிவினாக்கள் கொண்ட 24 செயலட்டைகளை உருவாக்கியிருக்கின்றார்.

மாத்தளையின் கல்வி வளர்ச்சியில் அக்கறை கொண்ட மாத்தளை தமிழ் பட்டதாரிகள் ஒன்றியம் - Forum For Tamil Graduates of Matale இந்தப் பணியை சமூக அக்கறை கொண்ட நன் கொடையாளர்களின் உதவியுடனும், பாடசாலை அதிபர்கள் அனைவரது அனுமதியுடனும் அச்சிட்டு அனைத்து மாணவர்களுக்கும் கிடைக்கும் வண்ணம் செய்கிறது.

இணைக்கப்பட்டுள்ள படம் பாக்கியம் தேசியகல்லூரிக்கான செயல் அட்டைகளின் தொகுதி; எல்லாப் பாடசாலைகளுக்கும் இவை அச்சிடப்படுகின்றன.