பணமில்லாமல் செல்வந்தனாகலாம்!

எப்படி ஒருவன் பணமில்லாமல் செல்வந்தனாகலாம் என்பது பற்றி மிகுந்த ஆச்சரியத்துடன் இருப்பீர்கள்!!! ஆனால் பணம் இல்லாமல், ஏன் பணம் வைத்துக்கொள்ள சட்டைப்பை இல்லாத பலரும் செல்வந்தர்களாகவும் அவர்களுக்கு நிகராக எவரும் இல்லமலும் இருக்கிறார்கள்.

உண்மையில் யார் செல்வந்தன்? எவனிடம் சிறந்த ஆரோக்கியமும், கருணையுள்ள இதயமும், தூய மனமும் இருக்கிறதோ அவனே செல்வந்தன்.

ஆரோக்கியமான உடல் வெள்ளியை விட உயர்ந்தது

கருணையுள்ள இதயம் தங்கத்தை விட பெறுமதியானது.

தூய மனம் இரத்தினங்களை விட அரிய பொக்கிஷம்.

ததிஷி, வசிஷ்டர், வியாசகர், வால்மீகி, துளசிதாஸ், ராம்தாஸ், கபீர் போன்ற பல ஞானிகள் பணம் இல்லாமல் செல்வந்தர்களாக இருந்துள்ளார்கள். அவர்கள் உடல் ஆரோக்கியத்திற்கு உண்வை வாயால் மட்டும் எடுத்தால் போதாது என்பதை அறிந்திருந்தார்கள். எல்ல இன்பங்களையும் ப்ணத்தால் வாங்கமுடியாது என்பதையும் அறிந்திருந்தார்கள்.

கடவுள் ஒருவனது வாழ்க்கைப்புத்தகங்களில் மதிப்பிடமுடியாத இரகசியங்களை ஒவ்வொரு பக்கத்திலும் எழுதி வைத்துள்ளார். எவர் திறந்த மனத்துடன், ஆவலுடன் அதைக்கண்டு பிடிக்கிறார்களோ அவர்கள் ஞானத்தைப் பெறுகிறார்கள்.

கருணையுள்ள இதயத்துடனும், தூய ஆன்மாவுடனும் உள்ள ஒரு மனிதன் குடிசையிலும் அரிய மாணிக்கங்களை உண்டுபண்ணலாம்.

நீங்கள் பணிவுடனும், அன்புடனும், தூய்மையுடனுன், தர்மத்துடனும் வாழ்க்கையை அமைத்துக்கொண்டால், நிச்சயமாக நம்புங்கள் நீங்கள் எல்லையற்ற செல்வத்தை அடைய சித்தி பெற்றவர் என்று!

ஒருமுறை பெஞ்சமின் ப்றாங்ளீனின் செல்வந்த நண்பர் ஒருவர் " நான் எனது செல்வத்தை எங்கு பாதுகாப்பாக வைக்கலாம்?" என்று கேட்க அதற்கு ப்ராங்ளீன் "உங்கள் செல்வத்தை எல்லாம் தலைக்குள் கொட்டுங்கள் (அதாவது நீங்கள் சேர்த்த பணத்தை எல்லாம் ஞானத்தை அடைய செலவழியுங்கள்), எவரும் திருடிக்கொண்டு போக முடியாது என்று கூறினாராம்.

லோர்ட் கத்பேர்ட் கொலிங்வூட் எனும் அறிஞர் "ஞானம் எப்போதும் நடப்பு வழக்கிலிருந்து இல்லாமல் போவதில்லை" என்று சரியாகச் சொல்லியுள்ளார்.

எப்படியாயினும் ஞானம் எவருக்கும் பிறவியில் தானாக வருவதில்லை, எவர் விடாமுயற்சியுடன் தேடுகிறவருக்கே கிடைக்கிறது, ஞானத்தாயை தேடுபவர்களை அவள் கைவிடாமல் நட்பாக்கிக்கொள்கிறாள்

மூலம்: பூஜ்ய குருதேவர் பண்டிட். ஸ்ரீ ராம்சர்மா ஆச்சார்யா

தமிழில்: ஸ்ரீ ஸக்தி சுமனன்