தலைப்பு இல்லை

வீட்டில் இருப்பது பொழுதுபோகவில்லை என்று எவரும் கூறக்கூடாது! குறிப்பாக குழந்தைகள் இருந்தால் அவர்களுடன் பயனுள்ள வகையில் நேரத்தை கழிப்பது/களிப்பது எப்படி என்று திட்டமிட வேண்டும். 

உலக நடப்புகளை கவனிக்கிறோம் என்று பயந்து பிராணனை போக்காமல் எதிர்காலத்தை எப்படி சமாளிப்பது என்று திட்டமிட இந்த ஓய்வைப் பயன்படுத்த வேண்டும். 

கணணி மட்டும் தான் திறமை என்று இருந்தால் ஆபத்துக்காலத்தில் உணவிற்கு எங்கே போக முடியும். அடுத்த தலைமுறை பிழைக்க வேண்டும் என்றால் உணவு உற்பத்தியைப் பற்றிக் கற்பிக்க வேண்டும். வீட்டுத் தோட்டம், செயற்கை உள்ளீடு இல்லாத இயற்கை விவசாயம், செயற்கை உள்ளீடு இல்லாத உணவுப் பதனிடல், நோயணுகா விதி, மூலிகைகளையும் உணவையும் பயன்படுத்தி ஆரோக்கியமாக இருப்பது எப்படி இதுவே பிள்ளைகளுக்கு நாம் கற்பிக்க வேண்டும். 

உணவு உற்பத்தி தெரிந்த பிள்ளை தானும் பிழைத்து மற்றவர்களையும் பிழைக்க வைப்பாள்/ன்! 

தோட்டத்தில் இருந்து கொண்டு வந்த நல்ல பழுத்த எலுமிச்சம் பழம் அறுத்து ஊறுகாய் போடுவது எப்படி என்று இன்று அம்மாவிடம் நானும் மகளும் கற்றுக்கொண்டிருக்கிறோம். 

அம்ருதவர்ஷினி தனது ஆசிரியர்களுக்கு பள்ளி தொடங்கியவுடன் தனது தயாரிப்பாக இந்த ஊறுகாய் விநியோகிக்க இருக்கிறாள்!