சூரியனும் வைரசும்

தைத்திரிய ஆரண்யக முதல் ப்ரச்னம் அருணோப நிஷத் என அழைக்கபடும் சூரிய நமஸ்கார ப்ரச்னம் ஆகும். 

இதன் ஒன்பவதாவது அனுவாகம் (Chapter என்று வைத்துக்கொள்ளுங்கள்!) சூரியனை தினசரி உபாசிப்பவர்களுக்கு அபம்ருத்யு இல்லை என்றும் விஷத்தை வெல்லும் ஆற்றல் உள்ளவர்களாக இருப்பார்கள் என்றும் ஒரு குறிப்பு வருகிறது (36 & 37 வது மந்திரங்கள்)

சூரியனை உபாசிப்பது என்பது உணர்வை (consciousnesses) உணர்வின் வழி மனதை சூரிய உதயத்தின் போது புத்தியைத் தூண்டும் பரம்பொருளின் ஒளியாக பாவித்து காயத்ரி மந்திர ஜெபம், சூரிய நமஸ்கார யோகாசனப்பயிற்சி என்பவை உள்ளடங்கும். 

இது புராதன குறிப்பு; நிற்க

1919ம் ஆண்டு ஏற்பட்ட இன்புளுவென்ஸா வைரசு தொற்றுப் பற்றியும் இன்னும் இரண்டு கொள்ளை நோய்ப்பரவல்கள் பற்றியும் அதன் தாக்கத்தில் பரந்த வெளியில் சூரிய ஒளியில் சிகிச்சை செய்யப்பட்ட நோயாளர்கள் விரைவாகக் குணமடைந்தார்கள் என்பதும், இறப்பு விகிதம் குறைந்ததையும் சுட்டிக்காட்டி 2009 ம் ஆண்டு America Journal of Public Health இல் இரண்டு ஆய்வாளர்கள் ஆய்வுக்கட்டுரை ஒன்றினை வெளியிட்டிருக்கிறார்கள். 

{Hobday, R. A., & Cason, J. W. (2009). The Open-Air Treatment of PANDEMIC INFLUENZA. American Journal of Public Health, 99(S2), S236–S242. doi:10.2105/ajph.2008.134627 }

இந்த ஆய்வுக்கட்டுரையின் 45 தொடக்கம் 50 வரையிலான reference list இன்புளுவென்ஸா வைரசினை சூரியனின் புற ஊதாக்கதிர்கள் எப்படி வீரியத்தைக் குறைக்கிறது, அழிக்கிறது என்பது பற்றிய ஆய்வுகளைப் பற்றிக் குறிப்பிடுகிறது. 

அந்த ஆய்வாளரின் நூல் The healing Sun - குணப்படுத்தும் சூரியன்.

மற்றது அருணோபநிஷத் விளக்கவுரை

{ குறை கண்டுபிடிப்பாளர்களுக்கு; எங்களுடைய வேதத்தில் அப்படிச் சொல்லியிருக்கிறது, இப்படிச் சொல்லியிருக்கிறது என்று நான் குறிப்பிட்டு பெருமை பேச வரவில்லை; எனது வாசிப்பின் ஞாபக சக்தி இவற்றை ஒருங்கிணைத்துத் தருகிறது, அவற்றை மேலதிக தகவல்களுக்கும், ஆய்வுக்கு, சிந்தனைக்கு இங்கு பகிர்கிறேன்}