நோய் வருதலுக்கான சில சூக்ஷ்ம காரணங்கள்

நோய் வருதலுக்கான சில சூக்ஷ்ம காரணங்கள்;

ஸ்ரீ அன்னையின் உரையாடலிலிருந்து சில பகுதிகள்; இது இன்றைய காலப்பகுதிக்குப் பொருத்தமானது. 

{இந்த உரையாடல் யோக சாதனை செய்யும், மனம், உணர்வு, பிராணன் என்பவற்றைப் பற்றிய அடிப்படைப் புரிதல் உள்ள சாதகர்களுக்கானது; ஆகவே யோகம் பயிலாதவர்கள் இதை பெரிதாக எடுத்துக்கொண்டு குழம்பத் தேவையில்லை;}

நோய்வருதலுக்குக் இரண்டு காரணிகள் கருத்தில் கொள்ளப்படுகிறது. வெளியிலிருந்து உங்களைப் பாதிக்கும் காரணியும் உங்கள் அகத்திலிருந்து வரும் காரணியும். 

உங்களது அகக்காரணியின் ஒருபகுதி நோய் வருதலுக்குக் காரணியாக இருக்கிறது, அந்தப்பகுதி உங்களுக்கான பாதுகாப்பினை நீக்குகிறது. பாதுகாப்புத் தரும் காரணியை எதிர்த்து ஒதுக்குகிறது. சில சமயம் அந்தக்காரணியே நோயினை உங்களுக்குள் வரவேற்கிறது. இத்தகைய சிறு அசைவு உங்களில் (உங்கள் உணர்வு, மனதிற்குள்) இருந்தாலே அவை நோயினை வரவேற்று உங்களைத் தாக்கி விடும். 

இதைச் சொன்ன பின்னர் சாதகர் பாதுகாப்புத் தரும் காரணி, பாதுகாப்பு நீக்கப்படுகிறது என்பதன் பொருள் என்ன என்று ஸ்ரீ அன்னையிடம் கேட்கப்படுகிறது. 

யோகத்தில் நாம் உயர்ந்த உணர்வு நிலை (Higher consciousness state) நிலையில் இறைசக்தியுடன் தொடர்பு கொள்கிறோம். அப்போது அந்த உணர்வு நிலை எம்மைச்சூழ இத்தகைய எதிர்சக்திகள் எம்மைத் தாக்காது ஒரு பாதுகாப்பு வளையத்தை உருவாக்குகிறது. ஆனால் சாதகன் தனது சந்தேகபுத்தியாலோ, பயத்தாலோ தனக்கு ஆபத்து நேர்ந்து விடுமோ என்றோ, அல்லது அதீத நம்பிக்கையால் தனக்கு எதுவும் நடந்து விடாது என்று உணர்வைத் தளர விட்டாலோ அந்தப்பாதுகாப்பு வளையத்தை நாம் நீக்குகிறோம். என்கிறார். 

இன்றைய நிலையில் இந்த முகநூல் நன்றாகவே அனைவரையும் பயத்தில் ஆழ்த்தி பிராண நிலையில் வலுவிழக்கச் செய்து நோயைப் பெரியளவில் உள்வாங்கும் காரணியாக இருக்கப்போகிறது என்பது சிறப்பம்சம். 

The Mother, [*Questions and Answers (1953): 22 July 1953