இறை சாதனைகள் (தியானம், ஜெபம், பிரார்த்தனை) ஒவ்வொரு நாளும் குறித்த நேரத்தில்தான் கட்டாயம் செய்ய வேண்டுமா?

இறை சாதனைகள் (தியானம், ஜெபம், பிரார்த்தனை) ஒவ்வொரு நாளும் குறித்த நேரத்தில்தான் கட்டாயம் செய்ய வேண்டுமா?

இந்தக் கேள்விக்கான பதிலினை ஒரு உதாரணம் மூலம் விளங்க்கிகொள்வோம்.

உங்களுக்கு நாட்டு ஜனாதிபதியின் நட்பு, அதன் மூலம் உதவி தேவைப்படுகிறது என ஒரு பேச்சுக்கு வைத்துக்கொள்வோம். அவருக்கு  நெருக்கமான நண்பர் ஒருவர் ஜனாதிபதியின் தனிப்பட்ட அலைபேசி இலக்கத்தினை தருகிறார், இதுவே இறை சாதனையில் தீட்சை எனப்படுகிறது. பெறப்படும் மந்திரம் குறித்த   தெய்வ சக்தியின் தனிப்பட்ட அலைபேசி இலக்கம் போன்றது.  அதனைத்தரும் குரு ஏற்கனவே அந்த தெய்வ சக்தியுடன் பரீட்சயமான நண்பர்.

முதன் முறையாக ஜனாதிபதியிற்கு அழைப்பினை ஏற்படுத்தும் போது அவரது ஓய்வு நேரம் அறிந்து அந்த வேளையில் அழைப்பினை ஏற்படுத்தினால் மட்டுமே நாம் ஓய்வாக அறிமுகப்படுத்திக்கொள்ளவேண்டும். பின்னர் நன்கு பழக்கமாகி மிக நெருங்கிய நட்பாகிய பின்பு ஏதும் அதிஅவசரம் என்றால் நினைத்த நேரத்தில் உரையாடி உதவி கேட்கலாம், ஆனால் நினைத்தபடி அவரை எந்த நேரமும் தொல்லை செய்யமுடியாதல்லவா?

இதைப்போலவே இறைசாதனைகளும் ஆரம்ப சாதனையில் நேரக்கட்டுப்பாடு, மற்றைய கட்டுப்பாடுகளை கட்டாயம் சரியாக கடைப்பிடுத்து சாதனையில் சித்தி அடைந்த பின்னர் அவற்றை தளர்த்திக்கொள்ளலாம்.