என் மாணவன்: சாதனா உரையாடல் - 13

பௌத்தத்தில் தியான சாதகன் தனது மனதை பண்படுத்துவதில் மூன்று வித தவறுகளை விடுவதை குடத்தின் உவமை கொண்டு விளக்கப்பட்டுள்ளது. இது எமது தற்போதைய உரையாடல் சார்ந்ததாக இருப்பதால் இந்தப்பகிர்வு:

முதலாவது நாம் தலைக்கீழ் குடம் போன்று இருப்பதை தவித்துக்கொள்ள வேண்டும். இப்படி உள்ள குடத்தினுள் எதுவும் செல்லாது. உதாரணமாக குரு எதைச் சொன்னாலும் தமக்கு அது தெரியும் என்று மனதை எதிர்ப்பு உணர்ச்சியில் வைத்திருக்கும் மாணாக்கர்கள் தலைகீழ் குடம் போன்றவர்கள். இவர்கள் மனதிற்குள் குரு சொல்லும் எதுவும் செல்வதில்லை.

அடுத்தது ஓட்டைக்குடம், இதுபற்றி ஏற்கனவே நிறைய உரையாடியுள்ளோம்.

மூன்றாவது, ஊத்தைக்குடம், இது அழுக்கு நிறைந்திருக்கும். இதற்குள் தூய நீரை விட்டாலும் அழுக்காக்கி விடும். சில மாணக்கார்கள் தாம் ஏற்கனவே சேர்த்துவைத்த அழுக்கு வியக்கியானங்களை குரு சொல்லும் ஞானத்திற்கு வியாக்கியானமாக சொல்லி அழுக்காக்கி விடுவார்கள்.

ஆகவே ஒரு சாதகன் தனது குருவின் உபதேசத்தில் இந்த மூன்று நிலைகளிலும் தவறு விட்டுவிடாமல் சுத்தமான, நீரை ஏற்கும் குடமாக தனது மனதை பண்படுத்தி நிறைகுடமாக்குவதே சாதனையின் நோக்கம்.