தலைப்பு இல்லை

வாழ்வு மிக நுண்மையானது, நாம் தினசரி மனதில் ஈர்க்கும் அனைத்தும் சேர்ந்து எமது வாழ்வினை உருவாக்குகிறது. 

நாம் எமது கோபத்திற்கு ஒரு இனிப்பான முலாம் பூசினாலும் நியாயப்படுத்தினாலும் கோபத்தின் தாக்கம் உடலிலும், மனதிலும் இல்லாமல் இருப்பதில்லை. 

இதைப் போல விதை ஒன்று போட்டு மரம் வேறு ஒன்று முளைப்பதாக எமது வாழ்வில் நடக்கும் விஷயங்களுக்கு காரணம் கற்பிக்கிறோம். 

ஆனால் மிக ஆழத்தில் பிரபஞ்சம் ஒரு ஒழுங்கில் இயங்கிக் கொண்டிருக்கிறது. மனிதனின் சிறிய மனதிற்கு அகண்ட அண்டத்தின் ஒழுங்கு தெரியாததால் செய்ய வேண்டியதை செய்யாமல் வாழ்வை துன்பமாக்கிக் கொள்கிறான்.

சிலர் மற்றவர்களைத் திருத்துகிறோம் என்று தமக்குள் தீமைகளையும் வேதனைகளையும் ஈர்த்துக் கொண்டு தமது மனதையும், உடலையும் வாழ்வையும் வேதனையாக்கிக் கொள்கிறார்கள். 

இந்த ஆழமான பிரபஞ்ச விதிகளைத் தான் ரிஷிகள் தர்மம் என்றார்கள். 

இன்று வாழ்வில் பலருக்கு வரும் துன்பங்களுக்கு விதி என்று கூறி நடந்து முடிந்த விஷயமாக எமது அகங்காரத்தை திருப்திப்படுத்திக்கொள்கிறோம். உண்மையில் எமக்கு வரும் துன்பங்களுக்கு நாமே ஆழ்மனமாகிய சித்தத்தில் விரும்பி அழைத்துக்கொண்ட பதிவுகளின் விளைவுகள் தான் என்பதை உணர்ந்து கொள்ள வேண்டும்.