தலைப்பு இல்லை

எம்மைச் சுற்றி தீமைகள் நடக்கும் போது அதை எதிர்ப்பது எமது கடமையாகிறது. ஆனால் நாம் எதிர்க்கிறோம் என்று நினைத்துக் கொண்டு செய்யும் கோமாளித் தனங்கள் சமூகத்தில் பலவித தீயவிளைவுகளை ஏற்படுத்தி விடும் என்பதில் கவனமாகவும் நிதனமாகவும் இருக்க வேண்டும். 

தீமைகள் நடக்கும் போது அதை நடக்க விடாமல் இருக்கக் கூடிய நன்மை தரும் சூழலை ஏற்படுத்தி தீமையை தடுக்க வேண்டும்.

மேலும் தீமையை எதிர்க்கிறோம் என்ற போர்வையில் நுண்மையாக தமது ஆணவத்தைக் காட்டி மற்றவர்களை மட்டம் தட்டி மடையனாக்கும் செயலை செய்பவர்களில் கவனமாக இருக்க வேண்டும். 

அண்மையில் எமது ஊரில் நடைபெற்ற ஒரு தீய சம்பவத்தை ஒரு சிலர் தனிப்பட்ட செய்தியாகவும், குறித்த ஒரு சிலர் மீதான தனிப்பட்ட தாக்குதலாகவும் முக நூலில் பகிர்ந்துள்ளார்கள். ஒரு சில நண்பர்கள் தனிப்படவும் என்னிடம் பகிர்ந்துள்ளார்கள். 

சிறுவர், பெண்கள் மீதான வன்முறைகளை முறைப்பாடு செய்வதற்கு, தகுந்த நடவடிக்கை எடுப்பதற்கு சட்டமும், நெறிமுறையும் தாராளமாக இருக்கிறது. அந்த வழியில் செல்லுவதற்குரிய தகுந்த சட்ட நிபுணர்களின் ஆலோசனையைப் பெற்றுக் கொண்டு நடவடிக்கை எடுக்கலாம். 

சமூக விஷயங்களை கையாளும் போது முதிர்ச்சியுடனும் தூர நோக்குடனும் கையாளாமல் விட்டால் கிணறு வெட்ட பூதம் கிளம்பியதாகிவிடும்!