கேள்வி பதில்: காயத்ரி எப்படி உலகிற்கு வந்தது?

Respected Acharya,

1. Kindly tell us how Gayathri mantra came to the world ? 
2. Kindly tell us about Gayathri Devi, her appearance and it's relation to the syllables of the Gayathri mantra ?
3. Honourable Acharya, Kindly tell us why every god's / siddhars are having Gayathri mantra, when one universal Gayathri mantra (om pur bhuva suvaha ) is available. Will these different mantras give different result ? 

Sincerely,
Sivasankar,
Chennai.

 உங்களின் முதலாவது கேள்விக்கான பதில்;

காயத்ரி மந்திரம் எப்படி உலகிற்கு வந்தது?  காயத்ரி மந்திரம் உலகிற்கு வரவேண்டிய தேவையில்லை. உலகை இயக்கும், படைக்கும் மூலசக்தியின் அதிர்வுகள் மனிதன் உச்சரிக்கும் படியாக காயத்ரி மந்த்ரமாக்கப்பட்டுள்ளது.  ஆகவே உலகிற்கு காயத்ரி மந்திரம் வரம்வில்லை. உலகில் உள்ள அனைத்திலும் பிராணசக்தியாக காயத்ரி இருக்கிறது. 

பிரபஞ்ச பிராணன் - மூலசக்தி தன்னை அதிர்வுகளாக வெளிப்படுத்தி அலைக்கழிந்து கொண்டு இருக்கிறது. இந்த அதிர்வுகளை தமது தபஸால் உயர்ந்த ஆற்றல் கொண்ட ரிஷிகள் நேருக்கு நேராக உணர்ந்து அதை மனிதன் தனது வாயாலும், மனதாலு உச்சரிப்பதன் மூலம் கவர்ந்ததிழுக்கும் தன்மை பெறுவதற்காக மந்திரங்களாக்கி வைத்திருக்கின்றார்கள்.  இந்த மந்திரங்களை மனதிலும், வாயிலும் உச்சரிக்கும் மனிதன் அந்த பிரபஞ்ச மூல சக்தியுடன் ஒரு பரிவு (resonance) அல்லது ஒத்த அதிர்வினை பெறுவதன் மூலம் தன்னில் ஏற்படுத்திக்கொள்ளலாம். 

இந்த அடிப்படையில் காயத்ரி மந்திரம் பிரபஞ்சத்தில் உள்ள பிராண ஞான சக்திகளின் அதிர்வுகளை கவர்ந்து மனிதனில் அந்த தன்மைகளை உருவாக்கும்படியாக விஸ்வாமித்திர ரிஷியால் உருவாக்கப்பட்டு அனைவருக்குமாக தரப்பட்டுள்ளது. 

காயத்ரி தேவியின் உருவம் , அது மந்திர அக்ஷரங்களுடன் தொடர்பு படும் விதம் பற்றி கூறுங்கள்? 

தெய்வ ரூபங்கள் மனிதன் அடைய வேண்டிய இறுதி நிலையை குறிப்பிடும் குறீயீடுகள். காயத்ரியின் ஐந்து முகங்கள் பஞ்ச பிராணன், கர்மேந்திரியங்கள், ஞானேந்திரியங்கள், பஞ்ச தன்மாத்திரைகள், பஞ்ச பூதங்களை எப்படி மனிதன் தனது பரிணாம உயர்விற்கு பயன்படுத்துவது என்ற ஞானத்தை தருவது. 

தேவியில் ஆயுதங்கள் ஒருவன் ஆற்றலையும், மனதையும் எப்படி கட்டுப்படுத்தவேண்டும் என்ற செய்தியை தருவது. 

தேவி பெண்ணாக காட்டப்படுவது சாதகன் தாய்மை உணர்வுடன் இறை சக்தியை ஏற்றுக்கொள்ளும் பண்புடையவனாக இருக்க வேண்டும் என்பது பற்றிய குறியீடு. 

இதுவே அடிப்படை விளக்கம், இது பற்றி மேலும் விளங்கிக்கொள்ள வேண்டுமாயின் அதற்கு குறித்தளவு காயத்ரி சாதனையில் நீங்கள் பயணித்திருக்க வேண்டும்.  அப்படியான விளக்கங்கள் நீங்கள் சிரத்தையுடன் சாதனை செய்யும்போது தகுந்த நேரத்தில் சொல்லித்தரப்படும். 

பொதுவான (பூர், புவஹ, ஸ்வஹ) என்ற பொதுவான காயத்ரி மந்திரம் இருக்கும்போது ஏன் எல்லா தெய்வங்களுக்கும்/சித்தர்களுக்கும் காயத்ரி மந்திரம் காணப்படுகிறது? 

இதற்கு எளிமையான பதில் ஒரு நிறுவனத்தில் தலைவர் (Chairman) இருக்கும்போது ஏன் இயக்குனர் (Director) மேலாளர் (Manager), ஊழியர் (worker) இருக்க வேண்டும் என்ற கேள்விதான், 

மூல காயத்ரி (ஓம் பூர் புவஹ ஸ்வஹ தத் ஸவிதுர் வரேணியம் பர்கோ தேவஸ்ய தீமஹி தியோ யோ நஹ ப்ரசோதயாத்) இது Chairman, மற்றவை பிரபஞ்சத்தின் மற்றைய செயற்பாட்டிற்காக இயங்கும் ஞான சக்திகள்!