தாந்திரீக மைதுனம் பற்றிய விளக்கம் - காயத்ரி சாதனை சித்தி அடைந்ததற்கான அடையாளங்கள் - 02

ஒரு சாதகன் தனது சாதனையில் அமரும்போது உடலுறவு கொள்ளும் நிலையே ஏற்படுகிறது. இதனையே தாந்திரீகத்தில் “மைதுனம் - உடலுறவு” எனக்குறிப்பிடுவார்கள், உடலுறவினை எப்படி பகிங்ரங்கப்படுதுவதில்லையோ அதுபோல் சாதனையும் இரகசியமாக செய்யப்படவேண்டியது. ஆன்மா பெண் கடவுள் ஆண், கடவுளாகிய ஆணிடமிருந்து தெய்வசக்தியாகிய விந்தினை பெற்றுக்கொள்ளும் செய்முறையே சாதனை, இதனை இன்னும் ஒரு படி மேலே க்ருஷ்ண பக்தர்கள் “பக்தி” மார்க்கமாக கண்டறிந்துள்ளார்கள். ஆன்மாவும் கடவுளும் இரண்டறக்கலக்கும் போது உண்டாகும் அதீத இன்ப உணர்வே சமாதி என யோக மொழியில் குறிப்பிடப்படுகிறது. தாந்திரீகம் மனித அடிப்படையிலான உடலுறவிலிருந்து இந்த நிலையினை அடைவதற்குரிய வழியினை போதிக்கிறது. காயத்ரி உப நிஷத்தும் ஸாவித்ரி உப நிஷத்தும் இப்படியான பல தெய்வீக உறவுகொள்ளலை பற்றி விபரிக்கின்றன, ஸவிதாவும் ஸாவித்ரியும் இணையான ஜோடிகள். ஸாவித்ரி (காயத்ரி) சாதனையினை தொடங்கும் சாதகனது ஆன்மாவும் பஞ்சகோசங்களும் யோனியாக மாறுகின்றது. இந்த யோனியினுள் பிரபஞ்ச பேரின்ப சக்தி விந்தாக பாய்கின்றது. இந்த சக்திப்பாய்ச்சலே “சக்திப்பரிமாற்றம் – ஸக்திபட்” என அழைக்கப்படுகிறது. இந்த சக்திப்பரிமாற்றம் கணவன் மனைவியாக சாதனைபுரிவபர்கள் உடலுறவின் மூலமும் பரிமாறிக்கொள்ளலாம் (இது வாமாச்சார கௌலாச்சார தாந்திரீக மார்க்கத்தில் இருப்பவர்கள் மட்டும்). அல்லாமல் வெறுமனே பிராண மன கோசங்களினூடாகவும் ஒருவரிலிருந்து ஒருவருக்கு பரிமாறிக்கொள்ளலாம். பிரபஞ்ச மூல சக்தியினை வசப்படுத்திய உயர் நிலை சாதகர் இந்த சக்திபரிமாற்றத்தினை எந்த நிலையிலும் செய்யலாம். இதுவே உண்மையான தீட்சை எனப்படும். உலகில் உள்ள ஒவ்வொரு சக்தியும் இத்தகைய ஆண் பெண் என்ற இரு சக்திகளின் இணைவிலேயே தோற்றம் பெறுகின்றன. மின்சாரம் என்பது நேர் அயனும் மறை அயனும் இணைவதால் உருவாகும் ஒரு சக்தி, இத்தகைய சக்தி கலப்புகளையே தாந்திரீகம் மைதுனம் என அழைக்கிறது. இந்த சக்தி கலப்பின் குறியீடே தாந்திரீகத்தில் மைதுனம் எனப்படுகிறது.

சாதனை என்பதன் பொருள் மேலான சக்தியுடன் ஒன்றற கலந்து தோடர்ச்சியான பயிற்சியின் மூலம் புதிய சக்தி ஒன்றினை உருவாக்குவதே, அதனையே சித்திகள் எனப்படுகிறது. இந்த சித்திகளை அடைவதற்கு சில முன்தகுதிகள் உள்ளன. ஒரு தூர பயணிக்கும் மனிதன் தனது பயணத்திற்கு தேவையான உணவு, உடை, பணம் இல்லமல் தனது பயணத்தை பூர்த்தி செய்ய முடியாததுபோல் சாதனையாகிய ஆன்ம பயணத்தின் மூலம் தெய்வ சக்தியினை அடைய முயற்சிப்பவர்கள் சரியான ஒழுக்கங்களையும், மன விருத்திகளையும் கொண்டிருத்தல் அவசியம். ஒழுக்கமற்ற வாழ்க்கையினையும், பாவங்களையும் செய்யும் ஒருவர் ஒருக்காலும் சித்திகளை அடைய முடியாது. ஒரு சாதகர் தனது மனம், சொல், உடலளவில் தன்னை எப்போதும் தூய்மையாக வைத்துக்கொள்ள வேண்டும். இதன் பின்னரே சித்திகளைப்பற்றி ஒருவர் நினைக்கத்தொடங்க வேண்டும். 

காயத்ரி சாதனைமூலம் ஒருவன் ஸவிதாவாகிய இறைசக்தியிடமிருந்து ஸாவித்ரி (காயத்ரி) எனும் யோனியில் அதனைப்பெற்று தெய்வசக்தியினை பதித்து ஆன்ம வளர்ச்சியான கருவினை உருவாக்கி கர்ப்பமுறுகின்றான். இந்த ஆன்ம கர்ப்பமுறுதலுக்கு ஒருவன் தனது சரியான ஆன்ம மனப்பண்புகளை  உருவாக்கிக்கொள்ளவேண்டும். இந்த நிலை ஒருவித இடை நிலையாகும், அதாவது பெண் ஒருத்தி கர்பமுற்றிருக்கும் போது இருக்கும் கவனமும், பராமரிப்பும் அவசியமனது போன்று ஆன்ம முன்னேற்றத்திற்கு அவசியமாக கவனிக்கப்படவேண்டிய நிலை. இந்த நிலையில் பொதுவாக சாதகர்களுக்கு உடலில் வலிகள், உலக வாழ்க்கையில் பற்று அற்ற நிலை, எதனையும் மனம் ஒன்றி செய்யமுடியாத நிலை, சோம்பல் போன்றவை அதிகமாக காணப்படும். சாதனையினை தொடர்ந்து செய்துவரும்போது தனது முதிர்ச்சியின் மூலம் அடுத்த நிலையினை அடைவான். அதாவது சுகப்பிரசவம் போன்ற நிலை. இந்த இடை நிலையில் இருக்கும் போது சாதகர்கள் மிகக்கவனமாக இருக்க வேண்டும். உணவு, தினசரி ஒழுக்கங்கள், மன அமைதி, ஓய்வு என்பவை மிகவும் அவசியாமான ஒன்றாகும்.

மனிதன் தந்து எந்த வேலையினை தொடங்கும் போது இடையூறு வராமல் இருப்பதில்லை. அந்த இடையூறுகளை சகித்து தனது ஆற்றல் மூலம் எதிர்கொண்டு அதனை சவாலாக ஏற்றுக்கொண்டு எதிர் நோக்குபவன் மட்டுமே வெற்றியடைகிறான். அது போல சாதனை புரிய ஆரம்பிக்கும் சாதகன் ஆரம்பத்தில் மனம் தீய உணவு ஒழுக்கங்கள், சோம்பல், பொறுமையின்மை, வெறுப்பு, கோபத்தில் துன்புறுத்தும் நிலை, நியாயம் அற்ற தன்மை, தீய சகவாசங்கள் என்பவற்றை நோக்கி செல்ல முயற்சிக்கும். மிகுந்த கவனத்துடன் சாதனையினை இந்த விடயங்களில் இருந்து விலத்தி சாதனை செய்பவரே சித்தியினை அடைகிறான். இவ்வாறு ஒழுக்கங்களை பயிற்சிக்காமல் திருட்டு, ஊழல் மற்றவரை துன்புறுத்த வேண்டும் என்ற மன நிலை போன்றவற்றை கொண்டிருப்பவர்கள் எக்காலத்திலும் சித்தியினை அடைய முடியாது. சாதனையில் சித்தியினை விரும்புபவன் தனது மன, உடல் ஒழுக்கங்களை மிகுந்த கவனத்துடன் கடைப்பிடித்து பலன் களைப்பெறவேண்டும். 

இது கர்ப்பமுற்ற பெண் மிகுந்த கவனத்துடன் கர்ப்ப காலத்தில் தனது உடல, மனங்களை கவனித்து பிள்ளையினை ஈணுவது போன்றது. ஒரு சாதகனுக்கு பிள்ளை அவனது சாதனையில் ஏற்படும் சித்தி ஆகும். இந்த சித்திகளில் மிக உயர்ந்த நிலை பிரம்மத்துடன் இரண்டறக்கலந்த நிலையான தூரியாதீதம் எனும் ஜீவன் முக்த நிலையேயாகும். இது தனியுணர்வு பிரபஞ்ச உணர்வுடன் கலந்த நிலையாகும். இதுவே காயத்ரி சாதனையினால் பெறப்படும் அதீத சித்தியாகும். இப்படி சித்தியினை சாதனியின் மூலம் அடைந்தாலும் அடைந்தவுடன் மிகக்கவனமாக இருத்தல் வேண்டும். ஏனெனில் பிறந்த குழந்தை வளரும் வரை நோயிற்கும், அதனை தூக்கும் போது மிகக்கவனத்துடன் கையாள்வது போன்று கவனமாக கையாளவேண்டும். ஒரு தாய் தனது பிறந்த குழந்தையினை மிகுந்த கவனத்துடன் போசிப்பது போன்று பெற்ற சித்தியினை மிககவனமாக தவறான வழியில் பயன்படுத்தாமல் நன்மைக்காக மட்டுமே பயன்படுத்த வேண்டும். அப்படி நல்வழியில் வளர்க்கப்பட்ட சித்தியே ஞானத்தினை தரும். அப்படியல்லது ஒழுக்கமில்லாமல் வளர்க்கப்பட்ட குழந்தை பெற்றோரை கவனிக்காததுபோல் தவறாக உபயோகிக்கப்பட்ட சித்திகள் சாதகனிற்கு துன்பத்தினை தரும்.

சாதகரது சாதனை முழுமையாக சித்தியடையும் வரை சாதகரில் ஒருவித மந்த நிலையும், சோம்பலும் காணப்படும். சாதனை வளர்ச்சியடையும் போது அது சித்திக்கான அறிகுறிகளை ஏற்படுத்தத்தொடங்க்கும். சாதகன் அறிவு மற்றவர்களது அறிவினை விட மேம்பட்ட ஒன்றாக பிரகாசிக்கத்தொடங்கும், உடல், மனம், பிராணன், அறிவுகளில் ஒளிவீசத்தொடங்கும், பஞ்சகோசங்களும் மென்மையாகத்தொடங்கும். இதனை கீழ்வரும் அறிகுறிகளைக்கொண்டு சாதனை சித்தியாகத்தொடங்குகிறது என அறிந்து கொள்ளலாம்;

1. உடல் மெதுவாக இருப்பது போன்று இருக்கு, பலமணி நேர தியானத்தின் போதும் உடலில் வலி தோன்றாமல் தொடர்ச்சியாக இருக்க கூடிய ஆற்றல் உண்டாகும். மனம் மிகுந்த உற்சாகத்துடன் எந்த விடயத்தினையும் அணுகத்தொடங்கும். கவலை, பதட்டம், பொறாமை போன்ற தீய எண்ணங்கள் மறையத்தொடங்கும்.
2. உடலில் புதுவித மணம் வெளிப்படும்
3.  தோல் மென்மையாகவும் பிரகாசமாகவும் மாறும்.
4. தாமசிக உணவுகளில் (மாமிசம்), பழக்கவழக்கங்களில் மனம் தானாகவே விருப்பமற்று போகும். 
5. சுய நலம் அற்றுபோய் மனம் அனைத்து உயிர்களைப்பற்றியும் கரிசனை கொள்ளத்தொடங்கும்.
6. கண்களில் ஒரு வித ஓளி வீசும்.
7. சாதகன் தான் சந்திக்கும் நபர்களதோ அல்லது சிந்திக்கும் வேலையினைப்பற்றியோ சரியான முடிவிற்கு கண நேரத்திற்குள் வரும் ஆற்றல் உண்டாகும்.
8. மற்றவர்களது எண்ணங்களையும் உணர்வுகளையும் நொடிப்பொழுதில் புரிந்துகொள்ளும் ஆற்றல்.
9. எதிர்காலத்தில் நடக்கப்போவதை அறியும் ஆற்றல்
10. தனது தெய்வீக ஆற்றலகளைக்கொண்டு மற்றவர்களுக்கு நல்லதோ கெட்டதோ செய்யும் ஆற்றல்.

இத்தகைய சித்திகள்  வர ஆரம்பித்தவுடன் சாதகன் கவனமாக அதனை நல்லறிவுடன் சரியான வழியில் மாத்திரம் உபயோகித்து வரவேண்டும், அத்தகைய சாதகன் தனது குழந்தையினை நல்வழியில் வளர்த்து முதுமைக்காலத்தில் சந்தோஷமாக இருக்கும் தாயினைப்போன்ற சந்தோஷத்தினைப்பெறுவான், அல்லது அற்பவிடயங்களுக்காக இவற்றை பாயன்படுத்தும் சாதகன் ஒரு தாய் தனது குழந்தையினை இழந்தால் ஏற்படும் துன்பத்திற்கு ஆளாவான்.