கர்ம யோகம் கற்கை நெறி

 

கர்ம யோக சாதனை பாடங்கள் தயார்!

சென்னையில் இருந்து வந்து இறங்கி இரண்டு நாட்களுக்குள் கற்கை நெறியைத் தயார் செய்தாயிற்று!

மொத்தம் எட்டுப் பாடங்கள் - இது சுவாமி விவேகானந்தரின் கர்ம யோகம் உரையினை அனைவரும் புரிந்துகொண்டு தமது வாழ்க்கைக்கு எப்படி பயன்படுத்துவது என்ற இலக்கினை உடையது.

இந்த எட்டுப் பாடங்களதும் மையக் கருத்து (core concept) என்ன என்பதை விளக்கி, அதைப் புரிந்துகொள்ள வைப்பது இந்த முயற்சி!

நீங்கள் முதலாவது பாடத்தை கற்றபின்னர் கீழ்வரும் விஷயங்களைப் புரிந்துகொண்டு உங்கள் வாழ்க்கையில் பயன்படுத்தக்கூடியவராவீர்கள் என்பதை கீழ்வரும் பட்டியல் சொல்கிறது.

ஒவ்வொரு பாடமும் நான் கு பகுதிகளைக் கொண்டது.

பகுதி - 01: குறித்த பாடத்தில் என்ன விடயங்களை கற்றுக்கொள்ளப் போகிறீர்கள் என்ற இலக்கினை நிர்ணயிக்கும்.

பகுதி - 02: சுவாமி விவேகானந்தரது மூல பாடம்; முக்கியமான கருத்துக்கள் bold & highlight இல் இருக்கும்.

பகுதி - 03: பாடத்தின் முக்கிய கருத்துக்களின் சுருக்கம் இருக்கும்.

பகுதி - 04: கற்றுக்கொண்டவற்றை சரி பார்க்க google form இல் பரீட்சை இருக்கும்.

இப்படி எட்டுப் பாடங்களையும் பூர்த்தி செய்ய வேண்டும்.

ஒன்பதாவது பாடம் எப்படி கற்றுக்கொண்ட கர்ம யோக தத்துவங்களை நாளாந்த வாழ்க்கையில் பயன்படுத்துவது என்ற ஒவ்வொருவருக்கும் உரிய யதார்த்த திட்டம் கற்பிக்கப்படும்.

முதலாவது பாடத்தில் நீங்கள் கற்றுக்கொள்ள இருக்கும் கர்ம யோக சாதனை தத்துவங்கள்

*********************************************************

1. கர்மம் என்ற சொல்லின் விளக்கம்

2. நாம் செய்யும் கர்மங்கள் எப்படி எமது குணத்தை உருவாக்குகிறது என்ற தொடர்பு

3. குணத்தை உருவாக்கும் காரணிகள் எவை

4. கர்மம் செய்வதன் நோக்கம் என்ன என்ற தெளிவு

5. அறிவு எங்கிருந்து வருகிறது

6. கற்றல் என்பதன் உண்மையான விளக்கம்

7. அறிவு மனதிற்குள் எப்படி மறைந்திருக்கிறது

8. அறிவு மனதிற்குள்ளிருந்து எப்படி வெளிக்கொண்டுவருவது

9. கர்மத்தை சரியான மனப்பாங்குடன் செய்வதனாலேயே அறிவு வெளிப்படுகிறது.

10. கர்மத்தை நாம் எப்படிச் செய்கிறோம்?

11. மனிதன் இந்தப் பிரபஞ்சத்திலிருக்கும் சக்திகள் அனைத்தையும் கவர்ந்து இழுத்து, ஒருங்கிணைத்து, வெளிச் செலுத்தும் ஆற்றல் உள்ளவன் என்ற உண்மையும், அவன் செய்யும் செயல்கள் எப்படி அவனது குணத்தை உருவாக்குகிறது என்பதும்.

12. எண்ணங்களின் வெளித்தோற்றமே செயல் என்ற உண்மை

13. எண்ணங்களுக்கும் சுயேச்சை - will power இற்குமிடையிலான தொடர்பு

14. ஒருவனுடைய சுயேச்சை - will power சக்தி எப்படி உருவாகி செயற்படுகிறது.

15. சுயேச்சை - will power – குணம் – கர்மம் ஆகியவற்றிற்கிடையிலான தொடர்புகள்

16. எமக்குரிய தகுதியை செயல்தான் நிர்ணயிக்கிறது என்ற உண்மை.

17. சரியான செயல் புரிவதன் மூலம் எதிர்காலத்தினை நாம் மாற்றியமைக்க முடியும் என்ற உண்மை

18. கர்ம யோகம் என்றால் என்ன?

19. பலனுக்காக செயல் புரிதலும் – செயலுக்காக செயல் புரிதலுக்கும் உள்ள வேறுபாடு.

20. பலன் கருதாமல் செயல் புரிவதனால் ஏற்படும் நன்மைகள் என்ன?

21. ஒருவனுக்கு தர்மத்தில் நிலைத்து நிற்கும் சக்தி எப்படி வாய்க்கிறது?

22. எப்படி எமது ஆற்றலை நாம் வளர்ப்பது?

23. செயல் செய்யும் போது நமக்கு இருக்க வேண்டிய மனப்பாங்கு

24. இலட்சிய மனிதனின் வரைவிலக்கணம் என்ன?

25. கர்ம யோக இலட்சியமும் கர்மத்தின் இரகசியமும்

26. சுய நலமில்லாமல் செயல் புரிவது எப்படி?

கற்கையில் இணைந்து கொள்ள முதலாவது comment இல் உள்ள வாட்ஸப் குழுவில் இணையுங்கள்.