கர்ம யோகத்தின் இரகசியம்!

 

சிலரின் மனப்போக்கும் தாம் ஆன்மீகத்தில் மிகவும் முன்னேறிவிட்டதாகவும், சித்தாந்தம், வேதாந்தம் எல்லாம் கரைத்துக்குடித்திருப்பதாகவும், நிறைய சமய அறிவு இருப்பதாகவும் கர்ம யோகம் என்பது ஏதோ அடிப்படை ஆரம்ப நிலை என்றும் அறியாமையில் நினைக்கிறார்கள்.

இன்னும் சிலர் தாம் உயர்ந்த தீட்ஷை, மந்திர ஜெபங்கள் எல்லாம் செய்வதால் இவையெல்லாம் தேவையில்லை என்று நினைக்கிறார்கள்.

உண்மையில் நாம் எண்ணும் எண்ணமெல்லாம் செயல், எம் உடலாலும், மனதாலும் செய்வதெல்லாம் செயலே! இந்தச் செயல் என்ன மன நிலையுடன் செய்யப்படுகிறதோ அதற்கு ஏற்ப விளைவு ஏற்படும் என்பதே கர்ம யோகத்தின் இரகசியம்!

ஆகம/ தந்திர மொழியில் சொன்னால் சரியையின் இரகசியம்! வேதாந்த மொழியில் - சுவாமி விவேகானந்தர் பிரபலப்படுத்திய மொழியில் சொன்னால் கர்ம யோகம்.

கோயிலிற்கு பூ கொடுத்தோம் என்பது சிறப்பல்ல! அதை என்ன மன நிலையில் செய்தோம் என்பதே அதன் பலனைத் தீர்மானிக்கும்.

இறைச்சி வெட்டுபவனும் உயர்ந்த ஆன்மீக நிலையில் இருக்க முடியும் அவன் கர்மத்தின் செயலின் கடமையின் இரகசியத்தை அறிந்தால்!

பலவித தான தர்மங்களைச் செய்துகொண்டிருக்கிறோம்? ஆனால் எனக்கு ஏன் பிரச்சனை, நோய் துன்பம் என்ற கேள்விகளுக்கு விளக்கம் கர்ம யோக விதி புரியாமையே! இப்படி மனக்குழப்பம் இருந்தால் இந்தப்பாடங்கள் உங்களுக்கு உதவி புரியும்.

ஒவ்வொரு வாரமும் ஒரு பாடமாக சுய கற்கையும், ஞாயிற்றுக்கிழமைகளில் உங்கள் கேள்விகளுக்கு பதிலாக, நேரடி உரையாடல் zoom வழியாக நடைபெறுகிறது!

செயலின் இரகசிய விதிகளைப் புரிந்துகொள்ள விரும்பவர்கள் இணையுங்கள்.

வகுப்பு என்றவுடன் எவ்வளவு கட்டணம் என்ற எண்ணமும் என்னிடம் இருக்குமா என்ற குழப்பமுமே எல்லோரிடமும் உருவாகுவதை அவதானிக்கிறோம்.

நாம் எந்தக் கற்கைக்கும் கட்டணம் கட்டி இணையுங்கள் என்று கேட்பதில்லை! விருப்பம் உள்ள அனைவரும் இணைந்து உங்களால் இயன்றளவில் குருகுலம் வளர பங்களியுங்கள் என்பதே எமது மாணவர்களிடம் நாம் எதிர்பார்ப்பது! நீங்கள் பங்களிப்புத் தந்தாலும், தராவிட்டாலும் உங்களுக்கு கற்பிப்பதில் எந்த ஏற்றத்தாழ்வும் காண்பிக்கப்படமாட்டாது! நீங்கள் எம்மிடம் கற்பதால் உங்களில் மாற்றம் ஏற்பட்டு நீங்கள் நன்மை பெறுகிறீர்களா என்பது மாத்திரமே எமது இலக்கு!

ஒவ்வொருவரும் அவரவர் timeline இல் இதை கற்கலாம்! ஆகவே வகுப்பு ஆரம்பித்து விட்டது அடுத்த அணியில் சேரலாம் என்று எண்ணி ஒதுங்க வேண்டாம்!

இணையுங்கள்: