பங்குனி உத்தரமும் சோடச மூல வித்தையும்

பங்குனி உத்தர நன்னாள் ஸ்ரீ பூர்த்தி அமைந்த நன்னாள் 

எங்கும் நிறை ஆதிஸக்தி பொன்னிறக் கிரணங்களால் 

சோடச மூலவித்தை விசுத்தியில் பதித்து ஊர்த்துவம் ஏற்றினாள்

ஒவ்வொரு பூரணையாக உத்தர நிறைமதியில் நிறைத்தாள் பூர்த்தி  வித்தையை

துவாதச பஞ்சதசம் பூர்த்திசெய்வித்தாள் ஒவ்வொன்றும் 

இருபட்சமாய் பன்னிரெண்டு மதிமாதத்தில் குருவருளாளே 

அம்ருத ஆநந்தத்தின் பேருளால் பதினாறு வயதுடையவள் அழகு காண 

ஆத்ம ஆநந்தத்தின் பேரருளால் ஏறினேன் பதினாறு படிகளும் 

அம்ருதமும் ஆத்மாவும் இரண்டல்ல அவளேயான ஒன்றென்று 

காட்டினாள் அனுபவத்தில்

காலபைரவ தியானம் – 42

 

இந்தப் பாடல் ஒரு பைரவ உபாசகன் பெரும் சுக போக வாழ்க்கையையோ, பெரும் சாதனைகள் செய்யும் வாழ்க்கையையோ அல்லது எவருக்கு கீழாக வேலை செய்யும் வாழ்கையையோ, பெரும் உழைப்புடன் வாழும் எவராக இருந்தாலும் பைரவ உபாசகராக இருந்தால் அவருக்கு புத்தி விழிப்படைந்த விழிப்புணர்வு நிலை வாய்க்கும் என்று இந்தப் பாடலில் தியானிக்கிறார். இந்தப் பாடலில் பைரவரின் தலையில் ஒளி மிகுந்த இளம் சந்திரன் என்பது மனதைக் குறிப்பது; மனதில் பைரவரின் ஒளி நிறைய புத்தி விழிப்படையும் என்பது இதன் அர்த்தம்!

பைரவ உபாஸனை புத்தியை விழிப்படைவித்து விழிப்புணர்வுடன் கூடிய வாழ்க்கையைத் தரும்.

இன்றைய காசிகாபுராதி நாத காலபைரவருடைய அலங்காரத்தில் இளம் பிறை இருப்பதும், இன்றைய தியானத்திற்குரிய பாடலும் ஒன்றாக இருப்பது நாம் மகா காலபைரவரின் அருளாசியுடன் தான் எழுதுகிறோம் – நீங்கள் படிக்கிறீர்கள் என்பதற்கு சான்றாகிறது.

இந்திரன் வாழ்க்கையும் நான் முகன் வாழ்க்கையும் ஈர்ந்துளவோன்

நந்தமில் வாழ்க்கையும் பெற்றாலும் நின்னடியார்களுக்குப்

புந்திசெய் வாழ்க்கையை ஒவ்வாது காண் ஒளி பூண்ட இளஞ்

சந்திர சேகரனேகாழி யாபதுத் தாரணனே.

ஒருவன் இந்திரன் போன்ற போக வாழ்க்கை பெற்றாலும்

நான் முகனைப் போன்று படைக்கும் ஆற்றலுடைய வாழ்க்கை பெற்றாலும்

மற்றவர்களிடம் செல்வத்திற்கு கையேந்தும் வாழ்க்கையைப் பெற்றாலும்

பெரும் உழைப்பு இல்லாத வாழ்க்கையைப் பெற்றாலும்

பைரவ உபாசகருக்கு புந்தி – புத்தி விழிப்படைந்த வாழ்க்கையை மறுக்காமல் கொடுக்கும்

ஒளி பூண்ட இளம் சந்திரனைச் சூடிய

சீர்காழிப்பதி உறையும் ஆபத்துத் தாரண பைரவரே

உம்மை நான் தியானிக்கிறேன்!

{ஸ்ரீலஸ்ரீ சிவஞான தேசிக சுவாமிகள் அருளிச் செய்த ஆபத்துத்தாரண மாலை பாடல் 30}

இன்றைய காசிகாபுராதி நாத காலபைரவரின் மங்கள அலங்காரம் அனைவரது தரிசனத்திற்காகவும்!

மகாபாரதம்

 

வருகிறது முழு மகாபாரதம் சிருஷ்டியின் ஆய்வு நூலகத்திற்கு!

மகாபாரதம் தான் மனிதகுலத்தின் Programming code - வியாசகர் மூலாதாரத்து கணபதியின் துணையோடு எழுதி இந்த பிரபஞ்ச பேரேட்டில் பதித்து வைத்து விட்டார். இதன் படி எமது மனங்கள், சித்தம் காலத்திற்கு காலம் இயங்கிக்கொண்டிருக்கிறது.

இதில் மனிதனது துர்க்குணங்களின் போராட்டம், சுய நலம், மமதை, அறிவு, ஆற்றல், தெய்வ சக்தி எப்படிப் பரிணாமத்தை நடத்துகிறது என்ற எல்லாக் கதைகளும் உண்டு! இன்று நாம் சொல்லும் எல்லாக் கதைகளும் மகாபாரதத்தின் மிமிக்கிரிதான்!

வியாசர் எழுதிய மூல மகாபாரதத்தை ஒவ்வொருவரும் தமது தகுதிக்கு ஏற்ப கதைகளாக எழுதி வைத்தார்கள்! இவை எல்லாம் வழி நூல்கள்!

வியாசரின் மூல நூல் ஆங்கில மொழிபெயர்ப்பாக கிசாரி மோகன் காங்குலி (1848 – 1908) அவர்களால் செய்யப்பட்டது. 80000 ஸ்லோகங்கள் உடையது! இதை செ.அருட்செல்வப் பேரரசன் அவர்கள் வலைத்தளத்தில் எழுதி வந்தது இன்று தொகுப்பாக மொத்தம் 14 பாகங்களாக வெளிவந்துள்ளது! சிருஷ்டியின் ஆய்வு நூலகத்திற்கு ஒரு பிரதி மாணவர் ஒருவர் வாங்கியனுப்பியிருக்கிறார்.

Zero Degree பதிப்பகம் 23% கழிவுடன் தற்போது தருகிறார்கள், இணைப்பு முதல் கொமெண்டில் இருக்கிறது! ஆர்வமுள்ளவர்கள் உங்கள் நூலகத்திற்கு வாங்கிக்கொள்ளுங்கள்.