ஆய்வுப் பணிகள்

இன்று பேராசிரியர் சுரேஷ் சுரேந்திரன் அவர்களின் அழைப்பை ஏற்று வவுனியாப் பல்கலைகழகத்தின் சர்வதேச ஆய்வு மையத்திற்கு விஜயம் செய்திருந்தேன். வவுனியாப் பல்கலைக்கழகத்தின் International Center for Research இனது இயக்குனராக தனது சேவையை தன்னார்வமாகச் செய்கிறார். அவர் இங்கிலாந்த்தின் Coventry University இனது பேராசிரியராகவும் பணிபுரிகிறார்.

இதற்குரிய திட்டமாக என்னுடைய பங்களிப்பாக சுதேச மருத்துவத்துறையை எப்படி அறிவியல் ரீதியாக ஆராய்ந்து, சமூகத்திற்கு நன்மை பயக்கும் வகையில் செயற்படுவது என்பது பற்றி நீண்ட கலந்துரையாட நடைபெற்றது. இது எனது தன்னார்வ ஆய்வுகளின் ஒன்று. தமிழ் சித்த மருத்துவ நூல்களையும், யாழ்ப்பாண இராசதானியின் மருத்துவ பெரு நூலான பரராசசேகரத்தையும் ஆராயும் ஒருவனாக எனது அனுபவத்தைப் பகிர்ந்துக்கொண்டேன்.

வவுனியாப் பல்கலைக்கழகம் அறிவியல், பாரம்பரிய அறிவு, ஆகிய இரண்டையும் ஒருங்கிணைத்து சமூகத்திற்கு பயனுள்ள வகையில் இவற்றை எப்படி பயன்படுத்தலாம் என்பது பற்றியும் தனது அறிவுத் தலைமைத்துவத்தை வழங்கலாம் என்பது பற்றி உரையாடினோம்.

திட்ட முகாமைத்துவ அலகின் இயக்குனர் மதிவதனி இந்த திட்டத்தை ஒருங்கிணைக்கிறார்.

எமது Sri Shakthi Sumananan Institute (SRISTI ) இந்த மையத்துடன் இணைந்து ஆய்வுப் பணிகளில் பங்காற்றவுள்ளது. SRISTI ஏற்கனவே தமிழ் மருத்துவ இலக்கிய ஆய்வு மையத்தினை ஆரம்பித்து தனது ஆய்வுப்பணிகளைச் செய்து வருகிறது.