அரசியல்

செய்தி: கடும் கோபமடைந்த ஜனாதிபதி! சில மணி நேரங்களில் பதவி விலகிய தொல்பொருள் பணிப்பாளர்

ஜனநாயக அரசியல் அமைப்பில் பெரும்பான்மையே அதிகாரத்தைத் தீர்மானிக்கிறது. இந்தப் பெரும்பான்மை என்ன குணத்தைக் கொண்டிருக்கிறதோ அந்த குணத்திற்கமையவே அரசும் அதன் அதிகாரமும் செயற்படும். உச்சத்தில் இருக்கும் ஜனாதிபதியோ, பிரதமரோ தன்னிச்சையாக தாம் விரும்பிய படி செயற்பட முடியாது. 

இந்த அடிப்படை உண்மையை விளங்காத சிறுபான்மையினர் எப்போதும் தமக்குரிய அபிலாசைகளைப் பெற முடியாது. சிறுபான்மை அரசியல்வாதிகள் தங்களை ஹீரோக்களாக படம் காட்டுவதை நிறுத்தி விட்டு பெரும்பான்மை சமூகத்தை தமக்காக சிந்திக்கும் மனப்பாங்கினை உருவாக்க என்ன செய்ய வேண்டும் என்ற உளப்பூர்வ செயல்களில் ஈடுபட வேண்டும். 

உளச்சுத்தமாக பிரச்சனையைத் தீர்க்க வேண்டிய வகையில் தீர்க்க வேண்டும் என்றால் மக்களிடையே நம்பிக்கையை ஏற்படுத்த வேண்டும். இதைச் செய்யும் புத்திசாலித்தனம் தமிழ் அரசியல்வாதிகளிடம் இருக்கிறதா என்பதை நாம் கேட்க வேண்டும். 

தொல்லியல் ஆணையாளரை தமிழ் கூட்டமைப்பு எம் பிக்களுக்கு முன்னால் வைத்துக்கொண்டு பகிரங்கமாக கேள்வி கேட்பது தமிழர்களுக்கு கிளு கிளுப்பை ஏற்படுத்தக்கூடும். ஆனாம் நாம் சிந்திக்க வேண்டியது மற்றைய பக்கத்தை! இதைச் சாக்காக வைத்து பெரும்பான்மை மக்களின் மனதை எப்படித் தூண்டி அரசியல் இலாபம் காணலாம் என்பது! 

தொல்லியல் ஆணையாளரை தமிழ் எம்.பிகளுக்கு முன்னால் வைத்துக்கொண்டு அவமானப்படுத்துவது போல் கேள்விக்கு மேல் கேள்வி கேட்டு நன்றாக குளோஸப்பில் வைத்து வீடியோ எடுத்து அதை பகிரங்கமாக வெளியிடுவதன் மூலம் பெரும்பாலான சிங்கள மக்களை மீண்டும் தேவையற்ற சிந்தனைக்குத் தூண்டுகிறார் ஜனாதிபதி! 

அவர் உண்மையிலேயே பிரச்சனையைத் தீர்க்க வேண்டும் என்ற எண்ணம் இருந்தால் நான்கு சுவருக்குள் கூப்பிட்டு Left & right வாங்கி முடிவை எடுக்கச் சொல்லியிருக்க வேண்டும். தொல்லியல் director general ஐ அடுத்த ஜனாதிபதி வேட்பாளராக்க ஜனாதிபதி முயற்சிக்கிறாரா? 

அண்ணன் மனோகணேசன் போன்ற அரசியல்வாதிகள் தமிழ்பௌத்தத்தை சம நிலைக்கு ஒரு உத்தியாக பயன்படுத்த எண்ணுகிறார்கள். 

தமிழ் பௌத்தத்திலிருந்து சிங்கள பௌத்தத்தை பிரித்து தனித்தன்மையை உருவாக்கும் அடித்தளத்தை அனாகரிக தர்மபால ஆழமாகச் செய்து வைத்திருக்கிறார்; அதிலிருந்துதான் சுதந்திரத்திற்கு பின்னைய சிங்களத் தலைவர்கள் அனைவரும் செயற்படுகிறார்கள். அதன் கட்டமைப்புகளை சரியாகப் புரியாமல் வெறுமனே தமிழ் பௌத்தம் என்ற சொல்லாடலை எடுப்பது எந்தப் பலனையும் தராது. இன்னும் எதிர்ப்பை பிரச்சனையைப் பெரிது படுத்தலாம். 

எவரையும் உசுப்பேத்தாத எல்லோரையும் புரிந்துகொண்டு நம்பிக்கையைக் கட்டமைத்துச் செல்லக்கூடிய முதிர்ச்சியுடைய உறுதியான தலைவரே தேவை!