எனது கொள்கைகள் சில

நண்பர்களே, இந்தக் கருத்துக்கள் பற்றி என்ன நினைக்கிறீர்கள்? 

கொடுப்பது அதிகமாகவும் பெறுவது குறைவாகவும் இருக்க வேண்டும் என்பதும் நான் கடைப்பிடிக்கும் விதிகளில் ஒன்று. 

பெறுவது குறைவாக இருக்க வேண்டும் என்றால் எமக்காக தேவை என்று நாம் நினைத்து தேவையற்றவற்றைப் பற்றிக்கொண்டிருக்கக் கூடாது. 

நாம் செய்பவற்றிற்கு உடமை கொண்டாடக் கூடாது என்பது இரண்டாவது விதி; ஆரம்ப காலத்தில் நாம் எழுதுவதை பிரதி செய்து - சுய சிந்தனை இல்லாமல் பிரதி செய்வதையே தொழிலாகச் செய்து பெரும் அறிஞர்களாக மக்களை நம்பவைக்கும் பலர் இருக்கிறார்கள். அண்மையில் பேராசிரியர் ஒருவர் கூட தனது பதிவுகளை நன்றி கூறாமல் பிரதி செய்வதாக வருத்தப் பட்டு எழுதியிருந்தார்; எனது குரு நாதர் ஒரு விஞ் ஞானி தனது சேவைக்கால கண்டுபிடிப்புகள் எல்லாமே தேச நலனிற்கான பொதுப் புலமைச் சொத்திற்காகவே பணி புரிந்ததாகச் சொன்னார்; தன்னுடைய கண்டுபிடிப்பு என்று தனியாக உரிமை கொண்டாடும் திட்டங்களில் அவர் ஆர்வம் காட்டியதில்லை; அதே மனப்பாங்கை ஸ்ரீவித்யா கற்பிப்பதிலும் காட்டினார்; அறிவு, ஞானம், ஆற்றல் எல்லோருக்குமானது; காற்று, நீர், சூரிய ஒளிக்கெல்லாம் patent செய்தால் மனிதனோ, உயிர்களோ வாழ முடியுமா? என்பார். ஆகவே எத்தனை பேர் எம்மிடமிருந்து எமது சிந்தனைகளைப் பிரதி செய்து அதைத் தம்முடையதாக்குகிறார்களோ அவ்வளவிற்கு அந்த அறிவும், ஞானமும் பெருகும். பிரதி செய்தலே கற்றலின் முதல் படி - copiying and mimicking is the first step of learning. 

எவரையும் முத்திரை குத்தாமல், அவர்கள் பலவீனங்களை ஏற்றுக்கொண்டு அவர்கள் பிரச்சனைகள், துன்பத்திலிருந்து வெளிவருவதற்கு நாம் என்ன உதவி செய்ய முடியும் என்ற செயலை மாத்திரம் நாம் செய்ய முயற்சிக்க வேண்டும்; மற்றவர்களை தாழ்மைப் படுத்த, தண்டிக்க நாம் இங்கு வரவில்லை; எம்மால் இயன்ற உதவிகளைச் செய்து மற்றவர் வாழ்க்கையை மேம்படுத்த முயற்சிக்க வேண்டும்!