புராதன ஞானம்

எனது குருநாதரை நாடி வருபவர்களுக்கு தான் தந்த புராதன ஞானத்தைக் கற்பிக்கச் சொன்னதன் படி 2013ம் ஆண்டு சித்திராப் பௌர்ணமியில் ஒரு blogger வகுப்பு ஆரம்பமாகி அதில் கிட்டத்தட்ட 100க்கும் மேற்பட்ட மாணவர்கள் இணைந்து இந்தப் பணி ஆரம்பமாகியது;

இதே வருடத்தில் Vicknaverny Selvanathan அம்மையார் கேட்டுக்கொண்டதற்கிணங்க கொழும்பில் எனது அலுவலக நேரம் முடிய மாலை ஆறுமணிக்கு சிறு குழுவிற்கு அகத்திய மகரிஷியின் யோக ஞானப்பாடல்கள் விளக்கவுரை வகுப்புகள் ஆரம்பமாகியது. இது இப்போது முழுமையான நூலாக இருக்கிறது. 

அதன் பிறகு அகத்தியர் யோக ஞானத்திறவுகோல் நூல் வெளியாகிய போது முறையான வகுப்புப்புகள் ஆரம்பமாகியது. 

எனினும் நான் எனது பல்தேசியக் கம்பனி தொழில் வாழ்க்கையிலேயே எனது வாழ்வு செல்வதாக எண்ணிக்கொண்டு இந்த வகுப்புகளை முறைப்படுத்தி வளர்ச்சியுறச் செய்யும் ஆர்வம் எதுவும் அற்றவனாகவே இருந்தேன். மாணவர்கள் தொகை அதிகரித்துக் கொண்டு சென்றது. 

அன்னையின் திருவுளப்படி 2020 ம் ஆண்டு சிருஷ்டியாக உருப்பெற்றது. இதன் நோக்கம் நவீன மனதிற்கான புராதன ஞானம்; 

இன்று நான் காவது ஆண்டில் காலடி எடுத்து வைக்கிறது.

கடந்த மூன்று வருடங்கள் அண்ணளவாக 2000 மணி நேர வகுப்புகள் மனம், உடல் தத்துவம், பிராணதத்துவம், மந்திர சாஸ்திரம், பதஞ்சலி யோக சூத்திர விளக்கம், ஹடயோக பிரதீபிகை விளக்கம், சித்தயோகபாட தீக்ஷை, அகத்தியர் யோக ஞானத்திறவுகோல், ஆரோக்கிய ரகசியம், தந்திர சாஸ்திர அறிமுகம் என்ற தலைப்புகளில் கற்பிக்கப் பட்டு பதிவு செய்யப்பட்டுள்ளது. 

வகுப்புகள் தமிழ், ஆங்கிலம், போர்த்துக்கீசிய மொழிகளில் நடைபெறுகிறது. 

வரணாசியிலிருந்து பெருந்தொகையான ஆயுர்வேத, தந்திர, ஆகம சாஸ்திர நூல்கள் பெறப்பட்டு ஆய்வு நூலகம் ஒன்று நிறுவப்பட்டுள்ளது. 

பல உலகத் தரம் வாய்ந்த அறிவியலாளர்கலுடன் இணைந்து இந்தத் துறையில் ஆய்வு ஆலோசனைகள் நடத்தப்பட்டுக் கொண்டிருக்கிறது. 

இதன் நோக்கம் நவீன தர்க்க மனதுடன் தடுமாறும் தற்கால மனிதனுக்கு மனம், உடல், பௌதீகம் தாண்டிய ஆற்றல்கள் பற்றிய அறிவினை தனது நாளாந்த வாழ்க்கையை முன்னேற்றி தனது அக வாழ்க்கையிலும் முன்னேறுவதற்கான வழிகளை கற்பிப்பதாகும். 

பல நூறு மாணவர்கள் தாம் பயன்பெற்றதை உறுதிப்படுத்திக் கொண்டிருக்கிறார்கள். அடுத்த படியாக பல ஆயிரம் மாணவர்களுக்கு இவை சென்றடைய உழைப்போம்!