மூன்றாவது நூல் ஆய்வு விமர்சன உரை

நண்பர்களே, 

எனது மூன்றாவது நூல் ஆய்வு விமர்சன உரை:

ஏற்கனவே Ra Nithyanandan அவர்களின் இந்திய வம்சாவளி மக்களின் இலங்கை நோக்கிய வருகைக்கான தள்ளல் இழுவைக் காரணிகளும் என்ற நூலும்

கலாநிதி ஜெயசீலன் அவர்களின் போர்க்காலங்களில் வன்னி விவசாயிகள் என்ற நூல் பைந்தமிழ் சாரல் அரங்கிலும் நிகழ்த்தியதன் தொடர்ச்சியான

மூன்றாவது எமது ஊரில் மதிப்பிற்குரிய Muthusamy Sivagnanam ஐயாவின் அழைப்பை ஏற்று திரு. பி. பி. தேவராஜ் ஐயாவின் இலங்கை மலையகத் தமிழர் வரலாற்றில் சில துளிகள் என்ற நூலிற்கான ஆய்வு விமர்சனம் எதிர்வரும் ஞாயிற்றுக்கிழமை மாலை காந்தி மண்டப்பத்தில் நடைபெற உள்ளது. 

இந்த நூல் மலையக அரசியல் தலைமையில் இருந்த முன்னாள் அமைச்சர், அரசியல் தலைவர் பி. பி தேவராஜ் ஐயா அவர்களின் தனது சமூகம் சார்ந்த ஒரு பதிவு. 

காய்த்தல் உவத்தல் இன்றி எனது பார்வையை முன் வைப்பேன். புகழ்பாட மாட்டேன், நூலின் முக்கியத்துவம் என்ன? எதைத் தவறவிட்டுள்ளது என்பது பற்றியதுமாக எனது உரை இருக்கும். 

நான் எந்தக் கட்சி அரசியலும் சாராதாவன். சமூகத்திற்கான அரசியலைச் சிந்திப்பவன். அவற்றை உணர்ச்சி வசப்படல் இன்றி ஆழமாக ஆராயப்பட வேண்டும் என்ற சிந்தனையுடன் இருப்பவன். இந்த நிலையில் இருந்தே இந்த ஆய்வு விமர்சனம் இருக்கும். 

_______________________________________________________________________

ஊரையும் உலகையும் பொறுத்தவரையில் தமிழ், இலக்கியம் என்றால் எனது தம்பி மதுரன் தமிழவேள் தான் புலமையாளன். இலக்கிய, ஊடகத்துறைக்குள் சந்திப்பவர்கள் அவரை வைத்து தான் என்னை அறிவார்கள். அவர் தான் நான் என்று நினைத்து அழைப்பிதழில் அவரது பெயரையும் அடைப்புக்குறிக்குள் போட்டிருக்கிறார்கள். 

மாத்தளையிலும், மலையகத்திலும் சிறுவயது முதல் கவிதை பாடி எல்லாரது மனதிலும் நிறைந்து விட்டதால், என்னையும் அவர் தான் என்று நினைக்கும் ஊரவருக்கு மனதில் பதிந்துவிட்டார். அவர் அளவிற்கு யாப்பிலக்கணம் தெரியாவிட்டாலும் அவருக்கும் சில பல விடயங்களை சொல்லித் தந்தவர், சொல்லுபவர் என்ற அடிப்படையில் ஊராருக்கு நானும் ஒரு அறிஞன் தான், ஆனால் நான் அவனில்லை என்பதைச் சொல்லிக் கொண்டு....  

ஞாயிற்றுக்கிழமை காந்தி மண்டபம் வாருங்கள் என்று அழைக்கிறேன்.