மந்தை நிர்ப்பீடனம்- Herd Immunity

புதிய கொள்ளை நோய் (Pandemic) உருவாகினால் அந்த நோயினை மொத்த சனத்தொகையில் 60%மானவர்கள் உள்வாங்கி அதற்குரிய நிர்ப்பீடனத்தை (Immunity) உருவாக்கினால் தான் அந்த நோயினது பரவல் தடுக்கப்படும். இதுவே மந்தை நிர்ப்பீடனம் எனப்படுகிறது. 

இந்த நிர்ப்பீடனத்தை 60% இற்கு அதிகமான சனத்தொகை அடைந்தவுடன் அந்த நோய் வீரியமிழக்கும். 

தடுப்பூசிகளது தத்துவம் இதுதான், பெருமளவில் பலருக்கு இந்த மந்தை நிர்ப்பீடனத்தை உருவாக்குவதுதான் இலக்கும். 

மனித உடலிற்குப் பழக்கப்படாத புதிய அழிவு சக்தி COVID-19 ஆக உலகத்திற்குள் இறங்கியிருகிறது.

ஆகவே சாப்பாட்டினைப் பதுக்கிக்கொண்டு வீட்டிற்கு பதுங்கிவிட்டால் நோயிலிருந்து தப்பிவிட முடியாது; நோயை எதிர்த்துப் போராடும் வலிமையை உடலும், மனதும் பெற்றிருக்க வேண்டும். 

நிர்ப்பீடனம் என்பது பல்கல உயிரினம் ஒன்று தனக்கு வெளியே இருந்து வரும் தாக்கத்திற்கு தனது சம நிலையைப் பேணும் தன்மையைக் குறிக்கும். சித்தாயுர்வேதத்தில் திரிதோஷ சமநிலை. 

நோய் குணமாவது என்பது குலைந்த இந்தச் சமநிலை மீண்டும் சரியாவது; ஆகவே உடல் நிர்ப்பீடனம் அடைதலே கொள்ளை நோய்களிலிருந்து தப்பும் வழி! 

உடல் நிர்பீடனம் பேண முதலில் நல்ல மன ஆரோக்கியம் அவசியம்; வீணான மன அழுத்தம் இன்றிய மகிழ்வான மனம் தேவை! 

உடலைப்பேணும் சாத்வீக உணவு அவசியம்;

நமக்கும் இது நடந்துவிடுமோ என்ற பயம், பதட்டம் இருக்கக்கூடாது; 

ஆகவே உறுதியுடன் எதிர்கொள்வோம் கொரோனாவை!