உண்மை தீக்ஷையின் பண்புகள்

எமது அனுபவத்தில் நீங்கள் பெற்ற தீக்ஷை உண்மையில் பலனளிக்கிறதா என்பதனை கீழ்வரும் குறிகுணங்களுடன் ஆராய்ந்து கோள்ளலாம். 

1. உங்களது மனத்தையும், அகப்பண்பயையும் ஒவ்வொரு கணமும் சுயபரிசோதனைக்கு உட்படுத்தி, உங்கள் மனம், உடல், அறிவு, பிராணனை செம்மப்படுத்தி உங்கள் உணர்வினை " நான் ஆன்மா" என்பதை உணரச்செய்யும் வழியில் செலுத்தி உங்களது உண்மை ஸ்வரூபத்தை அறியச்செய்ய வேண்டும். 
2. உங்களை உயர்ந்த இலட்சியத்தில் செலுத்தி அதற்காக செயலாற்ற வைக்கும் எண்ணங்களை, சிந்தனையை உண்டாக்க வேண்டும். 
3. அப்படி உருவான எண்ணத்தினை நிறைவேற்ற சோர்வற்று செயலாற்றும் பண்பு உங்களில் உண்டாகவேண்டும். 

இதனை சரியாக விளங்கிக்கொள்ள இராமகிருஷ்ண பரமஹம்சரும் சுவாமி விவேகானந்தரும் நல்ல உதாரணம். சந்தேக புத்தியுடன் எல்லவற்றையும் ஆராய்ந்து திரிந்த நரேந்திரர் இராமகிருஷ்ணரின் தீட்சை அவரை யார் என்பதை உணரவைத்தது, அந்த தெளிவின் பின்னர் தனது உடல் பொருள், உயிரை வேத தத்துவங்களை உலகிற்கு கொண்டு செல்லும் இலட்சியத்தில் செலுத்தி, இன்று இராம்கிருஷ்ண மிஷனான பரிணமித்துள்ளது.