இதன் உச்சரிப்பை இந்த இணைப்பில் கற்கலாம்
சஷ்டி தேவியானவள் துர்க்கையின் ஆறாவது வடிவம். ஸ்கந்தரின் மனைவி தேவசேனாவும் இவளே, இவளை பலதா, விஷ்ணுமாயா எனவும் அழைப்பர். இயல்பிலேயே குழந்தைகளை காப்பதும், புஷ்டியாய் வளர்ப்பது, அறிவைக்கொடுப்பது, நல்ல ஆரோக்கியம், நீண்ட ஆயுள் எனபவற்றை தருவது இவள வழிபடுபவர்கள் பெறும் பேறுகளாகும்.
இவளது வழிபாடு பிரியவர்த்தன் எனும் அரசனது கதையின் மூலம் விளக்கப்படுகிறது. இவளது அருளின் மூலம் அரசனது வம்சம் தழைத்து அவனது மகன் புகழுடன் நீண்ட ஆயுளுடன் வாழ்ந்ததால் இவளது சாதனையின் பெருமை அறியக்கூடியதாக இருக்கிறது.
குழந்தை பிறந்து ஆறாவது நாள், இருபத்தியொராவது நாள் (நாமகரணம், ஆறாவது மாத அன்னபிரசன்னம் ஆகியதினங்களில் இவளது பூஜை செய்வதால் குழந்தை ஆயுள், ஆரோக்கியம், அறிவு, ஞானம், ஆற்றல் அனைத்தையும் பெற்று சிறப்புடன் வாழும்.
இவளது மந்திரம் "ஓம் ஹ்ரீம் சஷ்டி தேவ்யை ஸ்வாஹா" என்பதாகும். இவள் சோடஷமாத்ருகா தேவியினருள் ஒருத்தி. சோடஷ மாத்ருகா தேவியினர் கௌரி, பத்மா, சசி, மேதா, சாவித்ரி, தேவசேனா, விஜயா, ஜயா, ஸ்வதா, ஸ்வாஹா, மாதரோ, லோகமத்ரா, ஹ்ருஸ்தி, புஷ்திதா,துஷ்தி, ஆத்மகுலதேவதா என்ற பதினாறு பேருமாவர்.
சஷ்டி தேவி தியான ஸ்லோகம்
சுபுத்ரதம் சா சுபதம் தயாரூபம் ஜகத் ப்ரசு
ஸுவேதா ஸம்பக வர்ணபாஹம் ரத்ன பூஷண பூஷிதம்
பவித்ர ரூபம் பரமம் தேவசேனாம் பரம் பஜே
பொருள்: நான் தேவசேனாவின் தெய்வீக ரூபத்தினை துதிக்கிறேன், தேவி எங்களுக்கு புத்திரனை ஆசீர்வதிக்கட்டும், அவளது தெய்வீகம் கருணை வடிவாக உலகெங்கும் பரவட்டும். தேவி தன் கரங்களில் ஏந்திய பொன்நிற சம்பக மலரை துதிக்கின்றேன். தேவி தன்னை அலங்கரித்துள்ள ரத்தினங்களையும் பொன்னாலான அணிகலனையும் துதிக்கின்றேன்.
இவாறு தியானித்த வண்ணம் மலரினை சாதகன் தனது தலையில் வைத்து மீண்டும் இருமுறை இந்த மூலமந்திரத்தினை ஜெபிக்கவும். பின்பு பாத்தியம், அர்க்கியம், ஆசமனியம், சந்தணம், மலர், தூபம், தீபம், நைவேத்தியம், பஞ்ச உபசார பூஜை செய்து கீழ்வரும் ஸ்தோத்திரத்தினை ஜெபிக்கவும்.,
1
நமோ தேவ்யை மஹா தேவ்யை ஸித்தியை ஷாந்தியை நமோ நமஹ, சுபாயை தேவசேனாயை சஷ்டி தேவ்யை நமோ நமஹ
பொருள்: தேவியிற்கு நமஸ்காரம், மஹா தேவியிற்கு நமஸ்காரம், அரிய சித்திகளையும், அமைதியினையும் தரும் தேவியை நமஸ்கரிக்கிறேன். தூய தேவசேனா தேவியை நமஸ்கரிக்கிறேன்.
2.
வரதாயை புத்ரதாயை தனதாயை நமே நமஹ, ஸுகதாயை மோஷதாயை சஷ்டி தேவ்யை நமோ நமஹ
பொருள்: கேட்கும் வரங்களை அருள்பவளும், புத்திரனையும் செல்வத்தினையும் தருபவளை நமஸ்கரிக்கிறேன். இன்பத்தையும் மோஷத்தையும் தரும் சஷ்டி தேவியினை நமஸ்கரிக்கிறேன்.
3.
சிருஷ்டிதாயை சஷ்ட ஸ்வரூபின்யாயை சித்யாயை ச நமோ நமஹ மாயாயை சித்த யோகின்யாயை சஷ்டி தேவ்யை நமோ நமஹ
பொருள்: யார் சிருஷ்டிக்கும் சக்தியாக இருக்கிறாளோ, யார் ஆறு ரூபங்களாக
இருக்கிறாளோ, யார் சூஷ்ம சக்திகளாக இருக்கிறாளோ அந்த தேவியை நமஸ்கரிக்கிறேன். மாயா சக்தியாகவும், புனிதமான யோகின்யாகவும் இருக்கின்ற சஷ்டி தேவியை நமஸ்கரிக்கிறேன்.
4.
சாராயை சாரதாயை ச பராதேவ்யை நமே நமஹ, பாலதிஷ்திர்ய தேவ்யை ச சஷ்டி தேவ்யை நமே நமஹ
பொருள்: யார் எல்லாவற்றினதும் சாரமாக
இருக்கின்றாளோ, சரஸ்வதி ஸ்வரூபமாக
இருக்கின்றாளோ அவளை நமஸ்கரிக்கிறேன். புத்திரனை கொடுக்கும் சஷ்டி தேவியை நமஸ்கரிக்கிறேன்.
5.
கல்யாணதாயை கல்யாண்யை பலதாயை ச கர்மானாம் பிரத்யக்ஷயாயை ஸ்வ பக்தானாம் சஷ்டி தேவ்யை நமோ நமஹ
பொருள்: யார் புனிதமானவளோ,
புனிதமான செயல்களை செய்பவளோ,
செய்யும் கர்மங்களுக்கு பலனைத்தருபவளோ அவளை நமஸ்கரிக்கிறேன். பக்தர்களுக்கு பிரத்யக்ஷமாயிருக்கும் சஷ்டி தேவியை பிரார்த்திக்கிறேன்.
6.
பூஜ்யாயை ஸ்கந்த கந்தாயை ஸர்வேஸாம் ஸர்வ கர்மாஸு தேவ ரக்ஷ்ன காரின்யை சஷ்டி தேவியை நமோ நமஹ
பொருள்: யார் பூஜிக்கத் தகுந்தவளோ,
சுப்ரமண்யனின் பத்தினியோ, எல்லாக் கர்மங்களிலும் எல்லாருக்கும் உதவுபவளும், தேவர்களை காப்பவளுமான சஷ்டி தேவியை நமஸ்கரிக்கிறேன்.
7.
சுத்த சத்வ ஸ்வரூபிண்யாயை வந்திதாயை ந்ருணாம் சாத ஹிம்ச க்ரோத வர்ஜிதாயை சஷ்டி தேவ்யை நமோ நமஹ
பொருள்: யார் தூய சத்வ
குணம் பொருந்தியவளோ,
யார் வணங்குவதற்கு உரியவளோ,
யார் எல்லோருக்கும் உதவுபவளோ,
கோபம் ஹிம்சை போன்ற குணங்களிலிருந்து விடுவிப்பவளான
சஷ்டி தேவியை நமஸ்கரிக்கிறேன்.
8.
தனம் தேஹி ப்ரியம் தேஹி புத்ரம் தேஹி சுரேஸ்வரி, தர்மம் தேஹி, யஸோ தேஹி சஷ்டி தேவ்யை நமோ நமஹ
பொருள்: தேவி எனக்கு செல்வத்தினை தருவாய், அன்பினை தருவாய், புத்திரர்களை தருவாய், தேவர்களின் தெய்வமே எனக்கு தர்மத்தினை தருவாய், புகழினைத்தருவாய், சஷ்டி தேவியே உனக்கு நமஸ்காரம்.
9.
பூமிம் தேஹி, ப்ரஜாம் தேஹி வித்யாம் தேஹி சுபூஜிதே கல்யாணம் ச ஜயம் தேஹி சஷ்டி தேவ்யை நமோ நமஹ
பொருள்: எனக்கு நிலம் தருவாய், நல்ல வாரிசு தருவாய், நல்ல
அறிவு தருவாய், ஓ வணங்குவதற்குரியவளே மங்களகர்மானதை தருவாய், வெற்றியைத்தருவாய், சஷ்டிதேவியே நமஸ்காரம்.
10. சஷ்டி ஸ்தோத்ரம் இதம் பதன் யா ஸ்ரூனோதி சா வத்சாரம் அபுத்ரோ லப்ஹதே புத்ரான் வரம் சுசுர ஜீவானாம்
பொருள்: இந்த சஷ்டி தேவியின் ஸ்தோத்திரத்தினை பிள்ளைகளற்ற தம்பதிகளில் யாரொருவர் ஒரு வருடம் கேட்டாலோ வாசித்தாலோ அவர்கள் புத்திரனை அடைவார்கள். அத்துடன் வாழ்வில் எல்லவித சௌபாக்கியங்களை அடைந்து இன்பமான வாழ்வை அடைவார்கள்.
11. வர்ஷமேகம் ச ய பக்தாய சம்யதேத்தம் ஸ்ரூனோதி ச சர்வ பாப விநிர்முக்த மஹாவந்திய ப்ரசூயாதே
பொருள்: ஒருவருடம் இதனை கேட்டாலோ படித்தாளோ அந்தப்பெண்ணுடைய எல்லப் பாபங்களும் தீர்ந்து பிள்ளை பெறத்தகுதி உடையவளாகிறாள்.
12. வீர புத்ரம் ச குணீயம் வித்யாவந்தம் யஸ்வினம்
சுசிர் ஆயுஷ்மந்தமேவ சஷ்டி மாத்ரு ப்ரசாததத்
பொருள்: இதனைப்பாராயணம் செய்பவன் சஷ்டிமாதாவின் அருளினால் வீரமுடைய, நல்ல அறிவுடைய, பண்புடைய, தூய்மையான, நீண்ட ஆயுளுடைய ஆண்மகனைப் பெறுவான்,
ஸ்ரீ சுப்ரமணிய வைவ்ருத புராணே ஸ்ரீ பிரியாவ்ருத ரச்சித சஷ்டி தேவி ஸ்தோத்திரம் சம்பூர்ணம்
பிரிய வ்ருதரால் எழுதப்பட்டு சுப்ரமணிய புராணத்தில் காணப்படும் சஷ்டி தேவி ஸ்தோத்திரம் முடிவுற்றது.
மிக்க நன்றி ஐயா
ReplyDeleteமிக்க மகிழ்ச்சி இதனை அறிந்ததால்
ReplyDeleteGS102 பானு வணக்கம்.நன்றி ஐயா
ReplyDeleteGs130 அருமை அய்யா படிதென்
ReplyDelete